Շփոթել է ԱՄՆ-ի հիմնն ու վարչապետին «նախագահ» անվանել. Բայդենը Հնդկաստանի ղեկավարի հետ հանդիպմանը կրկին անհարմար իրավիճակներում է հայտնվել․ Տեսանյութ

ԱՄՆ նախագահ Ջո Բայդենը Սպիտակ տանը Հնդկաստանի վարչապետ Նարենդրա Մոդիի հետ հանդիպման ժամանակ կրկին անհարմար իրավիճակներում է հայտնվել:

Նախ, Բայդենն ԱՄՆ-ի օրհներգը շփոթել է Հնդկաստանի օրհներգի հետ։ Երկրի ղեկավարը Հնդկաստանի օրհներգը հնչելուց հետո ձեռքը դրել է սրտին և 15 վայրկյան կանգնել այս դիրքում։ Հետո, հավանաբար, հասկացել է սխալն ու ձեռքը կամաց իջեցրել, գրում է Fox News-ը։

Համացանցի որոշ օգտատերեր պետության ղեկավարի այս պահվածքը տարօրինակ ու վիրավորական են համարել։ Ոմանք նրան «ապուշ» են համարել, իսկ մեկն էլ նկատել է, որ «այս ամենը ծիծաղելի կլիներ, եթե այդքան տխուր չլիներ»:

Բացի այդ, Բայդենը Սպիտակ տանը հանդիպման ժամանակ շփոթել է Հնդկաստանի վարչապետի պաշտոնը, հավելում է ria.ru-ն։

«Պարոն նախագահ, պարոն նախագահ... պարոն վարչապետ, ես հենց նոր իջեցրի Ձեր պաշտոնը: Շնորհակալություն գալու համար, բարի գալուստ Սպիտակ տուն»,- ասել է Բայդենը՝ բացելով Մոդիի հետ հանդիպումը։

Մոդին ԱՄՆ-ում է գտնվում պաշտոնական պետական այցով, որի ընթացքում կողմերը կքննարկեն պաշտպանության, տնտեսության և համաշխարհային օրակարգի ոլորտում համագործակցությունը։ Այցի հիմնական ակնկալիքներից մեկը Հնդկաստանում ռեակտիվ կործանիչների համար շարժիչների արտադրության լայնածավալ գործարքի կնքումն է, ինչպես նաև ամերիկյան անօդաչու սարքերի գնման գործարքը։

Տեսանյութը կարող եք դիտել այստեղ:

Աղբյուր՝ Tert.am