Դոնալդ Թրամփի դեմ դաշնային մեղադրանք է առաջադրվել, իսկ Ջո Բայդենը կարող է մեղադրվել ուկրաինական ընկերությունից 5 միլիոն դոլար կաշառք ստանալու մեջ

ԱՄՆ նախկին նախագահ Դոնալդ Թրամփը հունիսի 13-ին կկանգնի Մայամիի դաշնային դատարանի առաջ: Նրան մեղադրում են ազգային պաշտպանությանը վերաբերող տեղեկությունները կանխամտածված կերպով պահելու համար: 

Թրամփին նաև մեղադրում են արդարադատությանը խոչընդոտելու և կեղծ ցուցմունքներ տալու համար:

Եթե ԱՄՆ նախկին նախագահին մեղավոր ճանաչեն, ապա նա կարող է ազատազրկվել:

Նշենք նաև, որ հինգշաբթի ավելի վաղ ԱՄՆ Կոնգրեսի Ներկայացուցիչների պալատի անդամ, հանրապետական ​​Մարջորի Թեյլոր-Գրինն ասել է, որ ԱՄՆ Կոնգրեսի հետաքննության վերաբերյալ ՀԴԲ-ի (FBI) փաստաթղթերում պարունակվող տեղեկատվությունը Ջո Բայդենին ենթադրյալ կաշառք ստանալու մասին չափազանց հուսալի է: Նրա խոսքով՝ փաստաթուղթը նկարագրում է 2015-2016 թվականների իրադարձությունները, երբ ուկրաինական Burisma ընկերությունը նախատեսում էր ձեռք բերել ԱՄՆ-ում գործող նավթագազային ընկերություն՝ ԱՄՆ ներկայիս նախագահի որդու՝ Հանթեր Բայդենի խորհրդատվական աջակցությամբ։

Ինչպես պարզաբանել է Գրինը, նախապես կարդալով ՀԴԲ-ի (FBI) փաստաթղթերը, որոնք պարունակում են տեղեկատվություն ենթադրյալ 5 միլիոն դոլար կաշառքի մասին, որը Բայդենը ստացել է փոխնախագահի պաշտոնում, նա կարող է ասել, որ «այս փաստերը ենթադրում են իմպիչմենտ»:

Zham.am