Փաշինյան-Ալիև գաղտնի համաձայնության հետևում նույն միտքն է՝ ժողովուրդը ամեն ինչին կհամաձայնի, միայն թե էլի զոհեր չլինեն

Հայաստանի և Ադրբեջանի իշխանությունները միասնական ջանքերով ամեն ինչ տանում են նրան, որ Սյունիքի մարզը միջանցք դառնա Ադրբեջանի համար, իսկ դրա պաշտոնական մեղավոր ճանաչվի Ռուսաստանը։ 

Նիկոլ Փաշինյանը շարունակ հայտարարում է, թե Հայաստանի տարածքում որևէ միջանցք չի լինի, այլ կլինի սովորական ճանապարհ, որից կօգտվեն նաև ադրբեջանցիները։ Դրան զուգահեռ, Ալեն Սիմոնյանը նշում է, որ այդ ճանապարհների վերահսկողությունը կիրականացվի այլ երկրի կողմից։ Ուզում ես՝ դրա անունը միջանցքի փոխարեն դիր հյուրասենյակ կամ նախասրահ, միևնույն է, երևույթի իմաստը նույն է՝ եթե ճանապարհի վերահսկողությունը այլ երկրի կողմից է, ապա դա միջանցք է։ 

Փաշինյան-Ալիև գաղտնի համաձայնության հետևում նույն միտքն է՝ ժողովուրդը ամեն ինչին կհամաձայնի, միայն թե էլի զոհեր չլինեն։ 

Նույն տրամաբանությամբ հիմա Լաչինի միջանցքը փակում են, որ այն բացելու դիմաց Սյունիքում միջանցք տան, հետո որ Փաշինյանը հայտարարի, թե ռուսները չկարողացան բացել, իրենք էլ հանուն Արցախի տվեցին Սյունիքի մի մասը։

Նաիրի Հոխիկյանի ֆեյսբուքյան էջից