Շուրջ 150 վիրավոր, 172 ձերբակալված. Ֆրանսիայում կենսաթոշակային բարեփոխումների դեմ ցույցերը վերածվել են բախումների
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Սկանդալ ֆրանսիական ARTE հեռուստաալիքի եթերում. Հայաստանը ջնջված է աշխարհի քարտեզից
Ֆրանսիան նոր վարչապետ ունի
Ընտրություններում Մակրոնը պարտվեց, սակայն գերադասեց զիջել «ձախերին», այլ ոչ թե՝ «աջերին»
Ինչո՞ւ Մակրոնը որոշեց անցկացնել արտահերթ ընտրություններ, որտեղ պիտի հաղթանակ տոնեին Մարին Լե-Պենի կողմնակիցները
Լեո Նիկոլյանը հայտարարել է, որ իրեն քնեցրել են և փորձել են ուղարկել Ֆրանսիա
Հարյուր հազարավոր ֆրանսիացիներ հինգշաբթի օրը դուրս են եկել Փարիզի և ֆրանսիական այլ քաղաքների փողոցներ՝ իրենց բողոքն արտահայտելով կենսաթոշակային բարեփոխումների դեմ: Ցույցերն ուղեկցվել են անկարգություններով:
Ըստ Ֆրանսիայի ներքին գործերի նախարար Ժերալդ Դարմանինի՝ վիրավորվել է 149 ոստիկան և ժանդարմ, 172 մարդ ձերբակալվել է: Վիրավորվել են նաև տասնյակ ցուցարարներ, այդ թվում՝ Նորմանդիայում մի կին զրկվել է բութ մատից: Ըստ նախարարի՝ ձերբակալվածների մի մասը հարձակում է գործել իրավապահների վրա կամ պատասխանատու է հրդեհումների համար:
Գործակալությունը հայտնում է, որ ցույցերը հիմնականում խաղաղ են եղել, սակայն սևազգեստ անարխիստների մի խումբ անկարգություններ է հրահրել, կոտրել խանութների ապակիները, ներխուժել McDonald’s-ի ռեստորաններից մեկը: Ոստիկաններն արցունքաբեր գազ և խլացնող նռնակներ են գործի դրել: Մի քանի փոքր խմբեր Փարիզում մինչև ուշ գիշեր շարունակել են բախումները ոստիկանների հետ, քաղաքի կենտրոնում հրդեհումներ են իրականացրել:
Արհմիությունները կոչ են արել մարտի 28-ին նոր համազգային գործադուլներ և ցույցեր անցկացնել. հենց այդ օրն է Բրիտանիայի թագավոր Չարլզ 3-րդը Բորդոյից գնացքով ժամանելու Փարիզ:
Ցույցերի հերթական ալիքի պատճառ է դարձել Ֆրանսիայի նախագահ Էմանուել Մակրոնի՝ մարտի 22-ի հայտարարությունը, որ կենսաթոշակային բարեփոխումները գործի կդրվեն մինչև այս տարվա վերջ: Բարեփոխումների ծրագրով նախատեսվում է կենսաթոշակային տարիքը 62-ից բարձրացնել 64-ի:
Աղբյուր՝ 168.am
Հետևեք մեզ Facebook-ում