Տոյվո Կլաարը օրինաչափ է համարում «Լաչինի միջանցքով փոխադրումների թափանցիկության» մասին Ադրբեջանի գաղափարը

«Առաջին հերթին, ես կարծում եմ, որ Լաչինի ճանապարհով տեղափոխվողի թափանցիկության ապահովման գաղափարը լիովին օրինաչափ է, որովհետև մենք չենք ցանկանում, որ Լաչինի ճանապարհն օգտագործվի լարվածություն բարձրացնող բեռների համար և այն օգտագործվի ռազմական կամ անօրինական նպատակներով»:  Այս մասին APA-ին տված հարցազրույցում հայտարարել է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը։

«Թափանցիկությունը միանգամայն ճիշտ է: Իմ կարծիքով, այս թափանցիկության հասնելու ուղիներն ու միջոցները քննարկումների ու բանակցությունների առարկա են։ Կարծում եմ, որ դա անելու մի քանի եղանակ կա: Կարծում եմ, որ դրանցից մի քանիսը նախկինում քննարկվել են: Օրինակ՝ անցակետում ունենալ լրացուցիչ տեխնիկա, որպեսզի ռուսները կարողանան ավելի լավ վերահսկել երթեւեկությունը տարածքում։ Կրկին, կարծում եմ, որ դա անելու մի քանի եղանակ կա, և կարծում եմ, որ կարևոր է մանրամասն քննարկել:

Ենթադրում եմ, որ Հայաստանում կարծիք կա, որ դրանք (Լաչինն ու Զանգեզուրը - խմբ.) երկու առանձին խնդիրներ են։ Դրանցից մեկը Լաչինի միջանցքն է, որն արտացոլված է 2020 թվականի նոյեմբերին ընդունված հայտարարության կետերից մեկում, միևնույն ժամանակ կա նաև Ադրբեջանի և Նախիջևանի կապի հարցը, որն արտացոլված է 2020 թվականի նոյեմբերին ընդունված հայտարարության մեկ այլ կետում: 

Այսպիսով, հայտարարության մեջ դրանք նշված են տարբեր պարբերություններում, և մոտեցումը տարբեր են։ Բայց, ի վերջո, այս հարցը բանակցությունների ու քննարկումների առարկա է։ Իհարկե, մեր կարծիքն այն է, որ թափանցիկությունն իսկապես օրինական է, և միևնույն ժամանակ կարևոր է մարդկանց, Ղարաբաղի հայերի համար, որ նրանք ունենան անվտանգ տեղաշարժի հնարավորության զգացում»,- ընդգծեց ԵՄ հատուկ ներկայացուցիչը։

Zham.am