Պարոնյանն ու Մոլիերը «կնախանձեին» Փաշինյանի մտքի սլացքին. Լիլիթ Գալստյան. Տեսանյութ
Ժողովրդավարության, սիրո, արդարության և օրենքի երկիր ստեղծելու քաղաքական մեծամասնության խոստումները օճառե պղպղջակի պես պայթեցին։ Մենք մանդատ ենք ստացել բուհերից արմատախիլ անելու բոլոր կուսակցական երևույթները, բուհերի ուսանողները չպետք է վիզ ծռնեն կուսակցությունների առաջ, բոլոր բուհերը պետք է ապաքաղաքականացվեն, ռեկտորները կուսակցական պատկանելիություն չպետք է ունենան, որևէ կուսակցական չպետք է բուհ կառավարի։ Սրանք մինչև 2018-ի փաշինյանական հայտարարերություններն են, իսկ իրականությունը լրիվ այլ է։ Այս մասին Ազգային Ժողովում հայտարարությունների ժամին ասաց ՀՅԴ ԳՄ անդամ, ՀՀ ԱԺ «Հայաստան» խմբակցության պտատգամավոր Լիլիթ Գալստյանը։
«ԵՊՀ կառավարման խորհուրդի նախագահը Սուրեն Պապիկյանն է, Պոլիտեխնիկինը Տիգրան Ավինյանը, Բրյուսովինը մինչև վերջերս փոխվարչապետ Մաթևոսյանն էր։ Նրանք գնացել են այնտեղ ոչ թե ՔՊ-ացնելու, այլ գնացել են, որ բուհերը պաշտպանեն կուսակցականությունից, ասում է ՔՊ առաջնորդը։ Սա մեր ամենօրյա կյանք է՝ ստի և երեսպաշտության մեջ թաղված իրականություն։ Բնական է, որ այս շղթայից չպետք է վրիպեր Բրյուսովը։ Դեկտեմբերի 9-ին հոգաբարձուների խորհուրդի նիստում ռեկտորի պաշտոնում ընդունվեց իշխանության համար անցանկալի թեկնածու։ Նիստն անցել է սահմանված կարգով, արդյունքները հաստատել են հաշվիչ հանձնաժողովի բոլոր անդամները՝ ներառյալ ԿԳՄՍ ներկայիս նախագահ Ժաննա Անդրեասյանը։ Սակայն հոգաբարձուների խորհուրդի նախագահ Մաթևոսյանը մինչ օր չի ստորագրու արձանագրությունը, իսկ կառավարությունը մինչև այսօր չի ցանկանում հաշտվել Կարինե Հարությունյանի ռեկտորի պաշտոնում ընտրվելու օրինական պահանջի հետ»,- ասաց նա։
Մանրամասները՝ տեսանյութում։
Հետևեք մեզ Facebook-ում