«Քաղաքացիական բնակչության կենսագործունեության համար խոչընդոտների ստեղծումն անընդունելի է». Զախարովան՝ Լաչինի միջանցքի փակման մասին. Տեսանյութ
Լաչինի միջանցքը Լեռնային Ղարաբաղը Հայաստանին կապող միակ ճանապարհն է, որը փակելն ու քաղաքացիական բնակչությանը շրջափակման մեջ պահելն անընդունելի է։ Այս մասին ամենշաբաթյա ճեպազրույցի ժամանակ ասաց ՌԴ ԱԳՆ պաշտոնական ներկայացուցիչ Մարիա Զախարովան։
«Մենք անհանգստացած ենք Լաչինի միջանցքի շրջափակմամբ, որը պայմանավորված է հանքավայրերի շահագործման շուրջ կողմերի տարաձայնություններով։ ՌԴ ՊՆ-ն և ՌԴ խաղաղապահ միավորումն այս օրերին ակտիվորեն աշխատում են իրավիճակի հանգուցալուծման ուղղությամբ։
Մենք հույս ունենք, որ Լաչինի միջանցքով տրանսպորտային երթևեկությունը ամենամոտ ժամանակում կվերականգնվի։ Նաև ուզում եմ ընդգծել, որ Լաչինի միջանցքը ապահովում է Լեռնային Ղարաբաղի և Հայաստանի միջև կապը, գտնվում է ՌԴ խաղաղապահ ստորաբաժանման վերահսկողության ներքո», ասաց նա։
Zham.am
Հետևեք մեզ Facebook-ում