ԵՄ-ն կոչ է արել Ադրբեջանին և ՀՀ-ին շրջել թշնամության էջը, զերծ մնալ սպառնալիքներից ու մեղադրանքներից
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Ըստ հավաստի աղբյուրների, մոտ օրերս Ալիևը կտրուկ հակառուսական քայլերի է գնալու
Ադրբեջանը ՄԱԿ-ում փորձում է սահմանափակել արցախահայության իրավունքների պաշտպանությամբ զբաղվող կազմակերպության աշխատանքները. ՀՅԴ Բյուրոյի Հայ դատի գրասենյակ
Ալիևը երեկ ներկայացրեց, թե ինչպես է ոչնչացնելու Հայաստանը
Բաքուն Հայաստանին է փոխանցել խաղաղության համաձայնագրի նախագիծ. Հաջիև
Ադրբեջանը ներկայացրել է Երևանի հետ բանակցությունների ձևաչափը
Եվրամիությունը կոչ է արել Ադրբեջանին և Հայաստանին շրջել թշնամության էջը և շարունակել հաշտեցման ջանքերը՝ կանխելու հետագա անհարկի մարդկային կորուստներն ու վնասները։
«ԵՄ-ն ողջունում է Հայաստանի և Ադրբեջանի ղեկավարության կողմից տարաձայնությունները հաղթահարելու և տարածաշրջանում կայուն խաղաղության հասնելու բազմաթիվ քայլերը։ ԵՄ-ն բարձր է գնահատում նրանց շարունակական ներգրավվածությունը տարբեր մակարդակներով և տարբեր ձևաչափերով ընթացող բանակցություններում», - ասվում է Եվրոպական արտաքին քաղաքական ծառայության պաշտոնական հայտարարության մեջ:
«Թեև այս բանակցությունները, իհարկե, բարդ են և ժամանակ կպահանջեն, հրամայական է, չկորցնել թափը, պայմանավորվել առաջընթացի կոնկրետ քայլերի շուրջ և ապահովել անվտանգ, ապահով և բարեկեցիկ միջավայր՝ ի շահ տարածաշրջանի ողջ բնակչության», - ասվում է հայտարարության մեջ։
ԵՄ-ն կողմերին կոչ է անում մեղմել իրենց հռետորաբանությունը և խուսափել լարվածության ցանկացած ավելորդ էսկալացիայից, նաև զերծ մնալ միմյանց սպառնալիքներից և մեղադրելուց, ինչպես նաև ռազմական սադրանքներից և գործողություններից։
ԵՄ-ն խոստանում է շարունակել ակտիվորեն արձագանքել երկու կողմերի ցանկություններին և աջակցել նրանց բոլոր չլուծված խնդիրների համապարփակ և արդարացի կարգավորմանն ուղղված իրենց աշխատանքում։
Աղբյուր՝ Armenpress.am
Հետևեք մեզ Facebook-ում