Ըստ Փաշինյանի թերթի «հավաստի աղբյուրի»՝ ՀՀ-ին զենք չմատակարողը Ռուսաստանն է եղել
Նիկոլ Փաշինյանի ընտանիքին պատկանող «Հայկական ժամանակ» կայքը հղում կատարելով «հավաստի աղբյուրներին» ներկայացրել էր Ադրբեջանի պահանջները Հայաստանից, այսօր Փաշինյանի ընտանեկան կայքը հրապարակել է երկրորդ մասը՝ «Ինչ է ուզում Ռուսաստանը․ ի գիտություն Վեհափառ հայրապետի, երեք նախագահների և փորձագիտական հանրության» վերտառությամբ:
Այս հոդվածում ուշագրավ է հետևյալ հատվածը.
«Գործողությունների իմաստը հետևյալն է՝ ցույց տալ Հայաստանի անվտանգային խոցելիությունը, որպեսզի վերջինս րոպե առաջ դիմի «Ռուսաստան-Բելառուս» միութենական պետության մաս դառնալու համար։ Այս տրամաբանությունը զարգացնելու քայլերը Ադրբեջանի ագրեսիվությունն է, ՀՀ-ում տեղակայված ռուսական զորքի իներտությունը, Ռուսաստանի քաղաքական իներտությունը և Հայաստանին զենքի մատակարարման պարտավորությունները չկատարելը։ Վերջին գործիքի կիրառումը պատահական չէ և օգտագործվել է նաև նախկինում, զորօրինակ՝ 2016-ի պատերազմից առաջ և հետո։ Հայաստանը պետք է հնարավորինս խոցելի լինի, որ հնարավորինս պինդ գրկի Ռուսաստանին»:
Հիշեցնենք, որ զենքի մատակարարման մասին Նիկոլ Փաշինյանը կառավարության նիստում ասել է՝ «Մենք դեպքեր ունենք, երբ որ միլիոնավոր դոլարներ վճարված են, բայց զենքի մատակարարումը չի իրականացվում, այդ թվում՝ դաշնակից երկրների կողմից»։ Հաջորդ օրը՝ Հանրայինին տված հարցազրույցում նշում է, թե ասել է դաշնակից, բայց չի ասել Ռուսաստան: փաստորեն իր ընտանեկան թերթում էլ հստակ մեղադրում է Ռուսաստանին զենքի մատակարարման պարտավորությունները չկատարելու մեջ:
Հետևեք մեզ Facebook-ում