Ամերիկացիները Սորոսին տեռորի՞ստ են համարում

Միացյալ Նահանգներում ընդամենը 2 շաբաթվա ընթացքում 100 000 ստորագրություն  է հավաքվել, որպեսզի հանրահայտ Ջորջ Սորոսը հայտարարվի միջազգային ահաբեկիչ:

Ըստ ամերիկյան օրենքների, հենց այդքան ստորագրություն է պետք, որպեսզի ԱՄՆ նախագահը ընդունի այդ դիմումը և քննարկի այն:

Հետաքրքիր է այն, որ մեղադրանքի մեջ նշվում է թե իբր Ջորջ Սորոսը մեծ ազդցություն ունի Դեմոկրատական կուսակցության վրա և իր ֆինանսական համակարգերի միջոցով կարող է վտանգել երկրի սահմանադրական կարգերը:

Դիմումատերերը պահանջում են, որպեսզի Միացյալ  Նահանգների Արդարադատության նախարարությունը Ջորջ Սորոսին հայտարարի որպես ահաբեկիչ և կոնֆիսկացնի նրա բոլոր միջոցները: 

Հետաքրքիրն այն է, որ Ջորջ Սորոսին մեղադրում էին մյուս երկրներում որպես ամերիկյան գործիք, ով միջամտում է այլ երկրների ներքին գործերին: Սակայն վերջին ժամանակներս Սորոսին սկսել են մեղադրել նաև զարգացած, կայացած դեմոկրատական երկրներում: Մասնավորապես վերջին տարվա ընթացքում Սորոսի դեմ արշավ է սկսել պետական մակարդակով Հունգարիայի իշխանությունները: Եվ ահա այս ալիքն արդեն հասել է Միացյալ Նահանգներ:

Հիշեցնենք, որ Սորոսը ծագումով հունգարական հրեա է, ով մեծ հաջողությունների է հասել` ստեղծելով հսկայական ֆինանսական կայսրություն, և իր տնտեսական հաջողությունները նա հիմնականում կապել է այլ երկրների քաղաքական զարգացումների ընթացքի հետ` այդ երկրների ազգային դրամների և արժեթղթերի տատանումների վրա փող աշխատելով: 

Հետագայում, երբ նա հասել է տնտեսական հաջողության, Սորոսը սկսել է անձամբ ազդեցություն ունենալ նաև քաղաքական գործընթացների վրա` տարբեր երկրներում ստեղծելով տարատեսակ հասարակական, քաղաքական ֆոնդեր` ֆինանսավորելով տեղական հասարակական ընդդիմադիր գործիչներին: 

Zham.am