ԼՂ-ում խաղաղապահների վերաբերյալ Փաշինյանի առաջարկները չենք տեսել, ուստի չեմ կարող գուշակություններ անել. Լավրով. Տեսանյութ
ՌԴ ԱԳՆ ղեկավարը մեկնաբանել է Նիկոլ Փաշինյանի հայտարարությունները Լեռնային Ղարաբաղում խաղաղապահների գործունեության վերաբերյալ։
«Ռուսաստանը դեռևս չի տեսել Հայաստանից կոնկրետ առաջարկներ՝ կապված վերջին սրացման ֆոնին Լեռնային Ղարաբաղում խաղաղապահ առաքելություն իրականացնելու վերաբերյալ»։ Այս մասին, ըստ ՌԻԱ Նովոստիի, հայտարարել է ՌԴ ԱԳ նախարար Սերգեյ Լավրովը։ Նա այսպես է մեկնաբանել Նիկոլ Փաշինյանի վերջին հայտարարությունները:
«Ինձ համար դժվար է այս հարցին պատասխանել, քանի որ մենք չենք տեսել հստակ առաջարկներ, որոնք Նիկոլ Փաշինյանը ցանկանում է քննարկման դնել Լեռնային Ղարաբաղում ռուսական խաղաղապահ զորակազմի գործողության համատեքստում: Ուստի, չեմ կարող գուշակություններ անել», - ասել է Լավրովը մամուլի ասուլիսի ժամանակ։
Միաժամանակ նա նշել է, որ Ռուսաստանի, Ադրբեջանի նախագահների և Փաշինյանի կողմից ձեռք բերված պայմանավորվածությունների կողմերից որևէ մեկը, իհարկե, իրավունք ունի լրացուցիչ նախաձեռնություններ առաջարկել։
Zham.am
Հետևեք մեզ Facebook-ում