Պետական մակարդակով փորձ է արվում ծածկել Ադրբեջանի ռազմական ագրեսիան. Սա ոչ թե խաղաղության, այլ «նիկոլի ջարդի դարաշրջան է». Գառնիկ Դավթյան. Տեսանյութ

Պետական մակարդակով ամեն ինչ արվում է Ադրբեջանի ռազմական ագրեսիան ծածկելու համար։ «Փաստինֆո»-ի եթերում նման հայտարարությամբ է հանդես եկել Ադրբեջանի հարցերով փորձագետ Գառնիկ Դավթյանը՝ նկատելով, որ անգամ մահվան դեպքերի մասին հայտարարություններ չեն արվում։

Նպատակը մեկն է՝ ցույց տալ, թե, իբր, խաղաղության դարաշրջան է, մինչդեռ սա Նիկոլի ջարդի դարաշրջան է։

«Մենք չունենք այնպիսի ղեկավարություն, որը կխոսի գողացված անձանց, ռազմագերիների, ինչպես նաեւ կրակոցների մասին, որոնց արդյունքում ունեցանք զոհված կրտսեր սերժանտ։ Մահվան մասին դատախազությունը հայտարարություն տարածեց եւ ոչ թե ՊՆ-ն, փորձ արվեց այն լղոզելով ներկայացնել հանրությանը։ Այսինքն՝ պետական մակարդակով ամեն կերպ ծածկվում է Ադրբեջանի կողմից տարվող ռազմական ագրեսիան՝ փորձելով դա ներկայացնել որպես խաղաղության դարաշրջան։ Ես այն անվանում եմ Նիկոլի ջարդի դարաշրջան, որովհետեւ ինձ համար խաղաղության դարաշրջան, որպես այդպիսին, Ադրբեջանի հետ չի կարող լինել»,- ասել է փորձագետը։

Նրա արձանագրմամբ՝ Հայկական կողմը առհասարակ չի պատրաստվում ռազմական նոր ագրեսիային եւ չի էլ ուզում դրա դեմ գոնե քաղաքական մակարդակում հայտարարություններ անել ։

Մանրամասները՝ տեսանյութում