Խայտառակություն է, ուզում են ասել գլխավոր դատախազը գործադիրի կցորդն է. Վարդևանյան. Տեսանյութ
«Դիմադրության» շարժումը քայլերթով հասել է ՀՀ քննչական կոմիտեի շենքի մոտ՝ վանկարկելով ՝ «Նիկո՛լ, դավաճան»:
«Հայաստան» խմբակցության պատգամավոր Արամ Վարդևանյանը ՔԿ շենքի մոտ հայտարարեց, որ «առանց Նիկոլ Հայաստանում» այլևս մարդկանց նկատմամբ գործեր չեն կարելու, նրանց ապօրինի չեն կալանավորելու.
«Այս շենքում գրեթե ամենօրյա ռեժիմով մեր ընկերների նկատմամբ գործեր են կարվել, ոստիկանի ցուցմունքի վրա, առանց տեսանյութի: Երեկ մեր պատգամավորներն այցելել են ապօրինի կալանավորած մեր ընկերներին, նրանց բոլորի տրամադրությունը բարձր է»,-ասաց նա:
ՔԿ շենքի մոտ պատասխանելով լրագրողների հարցերին՝ Արամ Վարդևանյանն անդրադարձավ նաև վարչապետի օգնական Աննա Վարդապետյանին՝ Գլխավոր դատախազի պաշտոնում առաջադրելու ՔՊ-ի որոշմանը և ընդգծեց.
«Սա խայտառակություն է, ուզում են սասել Գլխավոր դատախազը դառնալու է գործադիրի կցորդը, նույնիսկ Արթուր Դավթյանն այդպիսին չէր»,-ասաց նա:
Վարդևանյանը նաև հայտարարեց, որ ընդդիմությունը չի մասնակցելու գլխավոր դատախազի պաշտոնում Աննա Վարդապետյանի թեկնածության քննարկմանը.
«Ի՞նչ քննարկում, դա նույնն է, որ Նիկոլ Փաշինյանն իր «կաբինետում» խորհրդակցություն անի, իր օգնական Աննա Վարդապետյանը բոլոր այդ քննարկումներին մասնակցում է , հիմա ուղղակի օգնականի փոխարեն կգրեն Գլխավոր դատախազ»,-ասաց նա:
Մանրամասները՝ pastinfo.am-ի տեսանյութում
Հետևեք մեզ Facebook-ում