Փաշինյանը հերթական անգամ փորձում է սնուցել այն թեզով, թե խեղճ հարիֆն ինչ աներ, գցել են գրպանը. Ագնեսա Խամոյան. Տեսանյութ

Նախկին երեք նախագահներին թողած Նիկոլ Փաշինյանը ավանդույթի համաձայն բանակցային նրբությունները ճշտում է Ալիևից, ինչպես ինքն է խոստովանել, այս պայմաններում տրամաբանական են այն աղավաղումները, որ անում է: Այս մասին լրագրողների հետ զրույցում ասաց «Հայաստան» խմբակցության պատգամավոր Ագնեսա Խամոյանը:

«Նիկոլ Փաշինյանը հերթական անգամ փորձում է սնուցել այն թեզը, թե խեղճ հարիֆն ինչ աներ, պարզապես գրպամնը գցեցին, որ վատ ժառանգություն է ստացել, սա տրամաբանական կլիներ, եթե պատերազմը սկսվեր իր պաշտոնը ստանձնելուց երկու ամիս անց, բայց դա տեղի է ունեցել երկու տարի անց: Այդ ընթացքում Փաշինյանն ասում էր՝ ինչ ուզում բանակցում եմ,, իմ զրոյական կետից եմ սկսում բանակցությունները: Հիմա հետին թվով փորձում է իրեն արդարացնել»,-ասաց նա: