«Խելագարվել կարելի է»․ Սարիկ Անդրեասյանն՝ Արցախում վիճակի մասին
Ռեժիսոր Սարիկ Անդրեասյանն Արցախում պատերազմի օրերին ակտիվորեն աջակցում էր հայերին։ Անդրեասյանը 2020թ․-ին գրեթե ամեն օր անդրադառնում էր կոնֆլիկտին, եւ երբ Ադրբեջանը պրովոկացիայի է դիմել Արցախում, չի կարողացել լռել։
«Տագնապալի լուրեր Հայաստանից։ Ադրբեջանը կրկին զորքերը մոտեցրել է մեր սահմաններին, կրկին կրակում են, կրկին ցանկանում են աղմուկի ներքո, մինչեւ ամբողջ աշխարհը զբաղված է, օգտվել իրավիճակից եւ ինչ-որ բան խլել, ինչն իրենց չի պատկանում։ Կարդալով այդ բոլոր լուրերը՝ ես արդեն չգիտեմ, թե ինչ անել, ում գրել, ինչպես պայքարել։ Այդ ամենը ցավալի է ու տագնապալի։ Եթե հավատանք դավադրությունների բոլոր տեսություններին ու լուրերին, առհասարակ կարելի է խենթանալ։ Ինչպես հասկանում եմ, այս տարիների ընթացքում հայկական կառավարության մոտ այդպես էլ ոչ մի ծրագիր, ոչ մի մարտավարություն եւ ոչ մի որոշում չի հայտնվել։ Կարծես թե, մեզ մնում է միայն սպասել ու հուսալ»,- «Ինստագրամ» սոցիալական ցանցի իր էջում գրել է Սարիկը՝ կցելով որդիների հետ լուսանկարն՝ արված «Զվարթնոց» օդանավակայանում։
Հետևեք մեզ Facebook-ում