Արհեստածին Ադրբեջանը գոյության իրավունք չի կարող ունենալ. իրենց նպատակը Հայաստանի ոչնչացումն է. Վարդան Ոսկանյան

Մենք այս ամբիոնից խոսել ենք ամեն ինչի մասին, սակայն չենք արծածել մեկ հարց՝ արդյո՞ք Ադրբեջանը գոյության իրավունք ունի: Այս մասին խորհրդարանում ելույթի ժամանակ հայտարարեց իրանագետ Վարդան Ոսկանյանը:

Ըստ նրա՝ երբ մենք քննարկում ենք՝ կարո՞ղ է Արցախը լինել Ադրբեջանի կազմում, թե չի կարող, սրանով հաստատում ենք Ադրեջանի գոյության իրավունքը.

«Այո՛ մենք պետք է հարցականի տակ դնենք Ադրբեջանի գոյության իրավունքը, քանի որ Ադրբեջանը, որպես պետություն, ստեղծվել է երկու առանցքի շուրջ՝ հակաիրանականության և հակահայկականության»,-ասաց նա:

Վարդան Ոսկանյանը հարց բարձրացրեց՝ արդյո՞ք Ադրբեջանը որևէ զիջման պարագայում չի համաձայնելու Հայաստանի գոյության շարունակականության հետ.

«Արդյոք մենք ունենք հնարավորություն՝ ոչնչացնելու Ադրբեջանը որպես պետականություն, կարծում եմ, առնվազն պետք է քննարկել։ Պետք է սահմանվի տեսլական՝ Ադրբեջանի չգոյությունը, այո, այս պետությունը իր հայկահայկական բնույթով, իր մարդատյաց բնույթով գոյություն ունենալ չի կարող, մի պետություն, որը պարբերաբար խոսում է Հայաստանի չգոյության մասին, գոյության իրավունք ունենալ չի կարող», - ասաց նա և հավելեց

«Այո, Բաքվի բռնապետական վարչախումբն ու Ադրբեջան կոչվող արհեստածին կազմավորումը պետք է ոչնչանա, դա է մեր խնդիրրների լուծումը, որովհետև իրենց նպատակը Հայաստանի ոչնչացումն է, իրենց նպատակը Հայաստանի չգոյությունն է, հասկանո՞ւմ եք», - հայտարարեց Վարդան Ոսկանյանը։

Աղբյուր` Փաստինֆո