Ուկրաինայի՝ ԵՄ անդամակցության հարցով, Ֆոն դեր Լեյենից հետո հիմա էլ Գերմանիայի կանցլերն է առաջարկում Զելենսկուն «փորձել մի փոքր ուշ»

Գերմանիայի կանցլեր Օլաֆ Շոլցը կարծում է, որ Ուկրաինային և Վրաստանին ՆԱՏՕ ընդունելուց հրաժարվելը ճիշտ էր, այդ հարցը դրված չէր և դրված չէ օրակարգում, հաղորդում է «ՌԻԱ Նովոստի»-ն։

«Սա ճիշտ որոշում էր, այն ժամանակ այս հարցի վերաբերյալ շատ երկար բանակցություններ են եղել ՆԱՏՕ–ում»,-ասաց Շոլցը։

«Դուք պետք է շատ հստակ հասկանաք, որ սա, իհարկե, նախադրյալներ ունի, բայց հիմա, կարծում եմ, դա այն հարցը չէ, որ կարելի է քննարկել։ Մենք պետք է հաղթահարենք պատերազմը... համոզվենք, որ էսկալացիա չլինի, մենք պետք է ամեն ինչ անենք, որ Ուկրաինայի զարգացման հեռանկարները լավ լինեն, որպեսզի երկիրը ամբողջությամբ չավերվի, և որ միլիոնավոր մարդիկ չզոհվեն»,-հավելեց նա։ 

Ինչ վերաբերում է ուկրաինական հայտին ԵՄ անդամակցությանը, Գերմանիայի կանցլերն ասաց, որ նախատեսվում է նախ «կոնկրետ օգնություն» կազմակերպել Ուկրաինային։

Հիշեցնենք, որ Եվրահանձնաժողովի ղեկավար Ուրսուլա ֆոն դեր Լեյենը նույնպես անդրադարձել էր Ուկրաինայի ԵՄ անդամակցությանը, նշելիվ, որ «Իրոք, Զելենսկին նամակ է ուղարկել Ուկրաինային ԵՄ-ին անդամակցելու պաշտոնական խնդրանքով: Այսպիսով, նա սկսել է գործընթացը: Կքննարկվի (ԵՄ-ի) անդամ երկրների հետ, բայց հիմա մեր առաջին խնդիրը պետք է լինի այս սարսափելի պատերազմի ավարտը»։ Այսպիսով, ԵՀ ղեկավարը, փաստացի, Ուկրաինայի անդամակցության հարցը թողել է անորոշ ապագայի։

Zham.am