Թրամփը աշխատանքից ազատել է գլխավոր դատախազին նրա հրամանագրին չենթարկվելու համար

ԱՄՆ նախագահ Դոնալդ Թրամփը աշխատանքից ազատել է ԱՄՆ գլխավոր դատախազի ժամանակավոր պաշտոնակատար Սալլի Յեյթսին, այն բանից հետո, երբ նա կասկածի տակ դրեց Թրամփի մուսուլմանական մեծամասնություն ունեցող մի շարք երկրների քաղաքացիների մուտքը ԱՄՆ արգելով  հրամանագրի օրինականությունը, հաղորդում է «The Guardian»-ը:

Վաղ Յեյտսը դիմել էր արդարադատության նախարարություն, որպեսզի Թրամփի աշխատակիցները չձգտեն պաշտպանել Թրամփի միգրացիոն հրամանագիրը դատարանում:

Սպիտակ տան հաղորդագրության մեջ ասվում է, որ Յեյթսը դավաճանել է արդարադատության նախարարությանը, հրաժարվելով ապահովել իրավական կանոնակարգը, որը պետք է պաշտպանի ԱՄՆ քաղաքացիներին:

ԱՄՆ Արդարադատության նախարարության նոր ղեկավար է նշանակվել Վիրջինիա նահանգի Արևելյան շրջանի դատախազ Դանա Բոենտեն: Իսկ կոշտ հակամիգրացիոն քաղաքականության կողմնակից սենատոր Ջեֆֆ Սեսին պետք է սպասի մինչ Սենատը կհաստատի նրան այդ պաշտոնում:

Յեյթսը այդ պաշտոնում էր նշանակվել Բարաք Օբամայի նախագահության տարիներին: Նրա այդ քայլերը հավանության են արժանացել հրամանագրի դեմ բողոքող ցուցարարների և ԱՄՆ Դեմոկրատական կուսակցության կողմից:

Zham.am