Հարբած մեքենա վարելու համար հետախուզվողը բերման ենթարկվել

Ոստիկանության Գուգարքի բաժնի ծառայողների ձեռնարկած միջոցառումների եւ բացատրական աշխատանքների շնորհիվ, հունվարի 29-ին Զվարթնոց օդանավակայանում հայտնաբերվել եւ ժամը 17.30-ին բաժին բերման է ենթարկվել «Մոսկվա-Երեւան» չվերթով ՀՀ ժամանած, 24-ամյա Պավել Շ.-ն:

Ոստիկանության մամուլի ծառայությունից հայտնում են, որ նա 2016թ. հուլիսի 29-ից հետախուզվում էր ՀՀ քրեական օրենսգրքի 243.1 հոդվածի (Տրանսպորտային միջոցներ վարելու իրավունքից զրկված անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով: