Ռուս երաժշտին արգելել են մուտք գործել Ուկրաինա
Ուկրաինայի պետական սահմանապահ ծառայությունը թույլ չի տվել ռուս երաժշտի մուտքը երկիր։ Նրան երեք տարով արգելել են մուտք գործել Ուկրաինա՝ Ղրիմ այցելության պատճառով, հայտնել են նախարարության մամուլի ծառայությունից։ «Սահմանապահներն արգելել են ռուս երաժշտի մուտքն Ուկրաինա: Ռուսաստանի Դաշնության քաղաքացին Ուկրաինա է ժամանել Ստամբուլի չվերթով: Գրանցվելիս պարզվել է, որ օտարերկրացին խախտել է Ղրիմի՝ ժամանակավոր օկուպացված տարածք մուտք գործելու կարգը՝ «տարբեր տարիներին բազմիցս մասնակցելով թերակղզում անցկացվող փառատոներին։ Սահմանապահները թույլ չեն տվել օտարերկրացուն մուտք գործել Ուկրաինա՝ խախտելով Ուկրաինայի օրենսդրության նորմերը։ Բացի այդ՝ նրան արգելել են մուտք գործել Ուկրաինա առաջիկա երեք տարում»,- ասվում է հաղորդագրության մեջ։
Ուկրաինայի սահմանապահ ծառայությունը չի տալիս երաժշտի անունն ու ազգանունը, սակայն, ըստ «Ուկրինֆորմ» գործակալության, արգելվել է «Քաղաք 312» խմբի Օլեքսանդր Իլչուկի մուտքը երկիր։
Հետևեք մեզ Facebook-ում