Վաշինգթոնը մեղադրում է Ասադին քիմիական հարձակման նախապատրաստվելու մեջ (տեսանյութ)

Վաշինգթոնը գտնում է, որ Սիրիայի իշխանություններն իբր քիմիական հարձակման են պատրաստվում քաղաքացիական հասարակության դեմ, հաղորդում է «Россия 24»-ը: Պաշտոնական Դամասկոսին արդեն սպառնում են: Սպիտակ տանը հայտարարել են, որ նախագահ Բաշար Ասադը «թանկ կվճարի» նման պատահարի դեպքում:

ԱՄՆ նախագահի վարչակազմի մամուլի ծառայության տարածած հաղորդագրության մեջ ապրիլին տեղի ունեցած  ողբերգության համար  պատասխանատվությունը նորից բարդվել է Բաշար Ասադի վրա: Այն ժամանակ քիմիական հարձակման հետևանքով գրեթե 100 խաղաղ բնակիչ էր զոհվել: Առանց որևէ քննություն անցկացնելու ԱՄՆ-ն կատարվածի մեջ մեղադրեց Սիրիայի լեգիտիմ իշխանություններին:

Այնուհետև ամերիկյան օդուժը հարված հասցրեց սիրիական ավիաբազայով, հայտարարելով, որ այնտեղ իբր քիմիական զենք է պահվում: Սպիտակ տան տարածած հաղորդագրության մեջ հնարավոր քիմիական հարձակման մասին ապացույցներ չեն բերվում:

Zham.am