Էրդողանը բացառել է Թուրքիայում արտահերթ նախագահական ընտրությունների անցկացման հնարավորությունը

Թուրքիայի նախագահ Ռեջեփ Էրդողանը բացառել է Թուրքիայում արտահերթ նախագահական և խորհրդարանական ընտրությունների անցկացման հնարավորությունը՝ չնայած թուրքական լիրայի անկման ֆոնին ընդդիմության համապատասխան կոչերին:

«Մենք բոլոր ընտրություններում հաղթանակած դուրս եկանք առանց բացառության։ Եվ ես հայտարարում եմ, որ արտահերթ ընտրություններ չեն լինելու, դրանք տեղի կունենան 2023 թվականին, ինչպես և նախատեսված է»,- հայտարարել է Թուրքիայի նախագահը՝ ելույթ ունենալով խորհրդարանում:

Ազգային արժույթի փոխարժեքը դոլարի նկատմամբ նոյեմբերի սկզբից նվազել է 9,55-ից մինչև 12,27 թուրքական լիրա (նոյեմբերի 23-ի դրությամբ) մեկ ԱՄՆ դոլարի դիմաց: Վերջին օրերին արտարժույթի սրընթաց անկումը պայմանավորված է ԿԲ-ի որոշմամբ ՝ 16 տոկոսից նվազեցնել հաշվարկային դրույքը մինչև 15 տոկոս:

Թուրքիայում ընդդիմադիր կուսակցությունների ներկայացուցիչները դրա ֆոնին կոչ են արել երկրում արտահերթ ընտրություններ անցկացնել։