Եթե մեր աջակցությունն այլևս ցանկալի չէ, մենք չենք պարտադրի մեր ներկայությունը. Սվիտալսկին՝ ՀՀ իշխանություններին

Մենք պետք է ուրախ լինենք, որ ՀՀ-ի և ԵՄ-ի հետ հարաբերությունները ճիշտ ուղղու վրա են: Այս մասին այսօր հրավիրված ասուլիսի ժամանակ հայտարարեց ՀՀ-ում ԵՄ դեսպան Պյոտր Սվիտալսկին: Հաղորդում է Newsbook.am-ը:

Հիշեցնենք, որ օրերս Հայաստանում ԵՄ պատվիրակության ղեկավար, արտակարգ և լիազոր դեսպան Պյոտոր Սվիտալսկին կարծիք էր հայտնել, որ Հայաստանում տեղի ունեցած վերջին խորհրդարանական ընտրությունները կատարյալ չեն եղել: Նա նաև նշել էր, որ Կենտրոնական ընտրական հանձնաժողովի կազմում պետք է ընդգրկված լինեն քաղհասարակությունից անձինք:

Սվիտալսկու հայտարարությունից հետ ոիշխանության ներկայացուցիչներ քննադատեցին նրան՝ խորհորդ տալով չմիջամտել Հայաստանի ներքին կյանքի:

Այսօր հրավիրած ասուլիսի ժամանակ Սվիտալսկին անդրադարձավ իր հանդեպ հնչած քննադատություններին:

Նա իրեն քննադատողներին նախ խորհուրդ տվեց ցուցաբերել տարրական էթիկայի կանոններ. «Նախքան ինչ որ մեկի վրա հարձակվելը ստուգեք ինչ է ասել, լսեք ձայնագրությունը, նայեք տեսանյութը, նախքան հապշտապ հայտարարություններ անելը»,- ասաց Սվիտալսկին: Դեսպանն ասաց, թե չի պատրաստվում հանրային հարթակներով իր խոսքը հղել իշխանավորներին, քանի որ հաղորդակցման այլ միջոցներ կան, որի ժամանակ ինքը կարող է ասել այն, ինչ ցանկանում է:

«Մենք շատ լավ աշխատանքային հարաբերություններ ունենք, լավ հաղորդակցման միջոցներ ունենք, և ես գնահատում եմ դա: Ես մասնագիտական տեսանկյունից բավարաված դիվանագետ եմ և կարող եմ անկեղծ խոսակցության մեջ մտնել իշխանությունների հետ: Ես հանրային հայտարարությունների կարիքը չունեմ», - ասաց դեսպանը:

Ինչ վերաբերվում է ԱԺ ընտրությունների կազմակերպմանը, դեսպան Սվիտալկին նշեց, որ առանց ԵՄ-ի աջակցության այն չէր կարող անցնել այնպես, ինչպես որ անց է կացվել: Նա հիշեցրեց, որ իրենք 7 միլիոն եվրո են հատկացրել Հայաստանին և շեշտեց, որ այդ ֆինանսական օժանդակությունը ամենաքիչն է եղել:

Սվիտալսկին ասուլիսի ընթացում հատուկ ընդգծեց. «Ուզում եմ շեշտել, շատ ուժեղ շեշտել, որ մենք դա արեցինք ՀՀ իշխանությունների բաց խնդրանքի հիման վրա: Մենք երբեք չենք ստիպել մեր կամքը: Եթե մեր աջակցությունն այլևս ցանկալի չէ, մենք չենք պարտադրի մեր ներկայությունը: Այն ինչ մենք արել ենք Հայաստանի համար,  դա լավ էր: Եթե կան թերահավատություններ կամ կարիք, որ այդ ամենն այնքան էլ ցանկալի չէ, մենք մեծապես հարգում ենք հայաստանիցների սուվերեն ընտրությունը»,- ընդգծեց դեսպանը:

Մանրամասները՝ Newsbook.am-ում