Հույներն անհանգստացած են՝ Էրդողանը ձգտում է միջուկային զենք ստանալ

Մտահոգված Թուրքիայի վերջին տարիներին վարած քաղաքականությամբ, Հունաստանի ԶԼՄ-ը հարց են բարձրացրել այն բանի հետ կապված, որ Անկարան կարող է «միջուկային զենքի տիրապետել»: «Apopseis» հունական պատբերականը դոկտոր Կոնստանտին Ապոստոլ-Կատսարոսի (Konstaniua Apostolu-Katsaru) հոդվածն է հրապարակել որն ուշադրության է արժանացնում մի քանի հարց, սկսած «Աքքույու» ատոմակայանից և վերջացրած Ռուսաստանում «միջուկային տեխնոլոգիաներ» ուսումնասիրող թուրք ուսանողներով, ինչպես նաև Թուրքիայի և Պակիստանի հարաբերությունները: 

Դրա հետ կապված հիշատակվում է Թուրքիայի նախագահ Ռեջեփ Թայիփ Էրդողանի հայտարարությունը 2019 թվականին. «Ներկայում աշխարհում գրեթե չկա ոչ մի զարգացած երկիր, որը չունենա միջուկային մարտագլխիկներ, բոլորն ունեն: Անուններ չեմ տալու: Դրանցից մեկի նախագահը, այժմ արդեն նախկին, իմ այցի ժամանակ ասաց. «Մեզ այսպես են ասում, այնպես են ասում: Ես այժմ մոտ 7,5 հազար միջուկային մարտագլխիկներ ունեմ, իսկ Ռուսաստանն ու ԱՄՆ-ն՝ 12,5, 15 հազար: Ես նույնպես կանեմ»»: Այսպիսով Էրդողանը բացեիբաց ակնարկեց, որ աշխատանքներ այդ ուղղությամբ տարվում են, ընդգծվում է հոդվածում:

Ինչպես նաև մեջբերվում են Անվտանգության և խաղաղության քաղաքականության ինստիտուտի հետազոտող, միջուկային զենքի հարցերով փորձագետ Մորից Կուտի  (Moritz Kut) խոսքերը. «Միջուկային ռումբը տեղ է երաշխավորում աշխարհաքաղաքականության առաջնագծում: Գաղափար, որը դուր կգա Էրդողանին: Հուսով եմ ՝ դա չի իրականանա: Սակայն Թուրքիան կարծես ձգտում է դրան»: 

Մեջբերվում են նաև իսրայելցի քաղաքագետ Յակով Կեդմիի մտավախությունը, ըստ որի, Անկարայի միջուկային զինանոց ունենալը՝ ժամանակի հարց է: Նաև պնդում է, որ 2010 թվականի փետրվարի 15-ին Իսրայելի վարչապետ Բենիամին Նեթանյահուն Հունաստանի նախկին վարչապետ Գեորգիոս Պապանդրեուին ասաց, որ իսրայելական հետախուզական ծառայություններից ստացված տեղեկատվության համաձայն՝ Թուրքիան արդեն միջուկային տերություն դառնալու ներուժ ունի:

«Միջուկային ծրագրի մեկ այլ նախադրյալ է բալիստիկ հրթիռների ծրագիրը, որն ուղղված է միջուկային մարտագլխիկներ կրող հրթիռների մշակմանը: Հարեւանն արդեն մշակել է հրթիռային կարողություններ, որոնք ուղղակիորեն սպառնում են Հունաստանին եւ Կիպրոսի Հանրապետությանը: Փորձագետները նշում են, որ ներկայումս մշակվում են հրթիռներ՝ մինչև 1000 կիլոմետր հեռահարությամբ:

Մեկ այլ խնդիր է Թուրքիայի հայտարարած «տիեզերական ծրագիրը»: Այդ ուսումնասիրությունների շրջանակներում կարող են մշակվել մինչեւ 3,5 հազար կիլոմետր եւ ավելի հեռահարության բալիստիկ հրթիռներ: Ընդ որում, այդ հրթիռները կարող են վերազինվել նաև որպես միջուկային մարտագլխիկներ կրողներ: Այլ կերպ ասած, թուրքական տիեզերական ծրագիրը կարող է լինել ցուցափեղկ, որը նախատեսված է իր միջուկային ծրագրին աջակցելու համար», - ասվում է Ապոստոլ-Կատսարոսի հոդվածում:

Կարճաժամկետ հեռանկարում` «Աքքույու» ԱԷԿ-ը, երկարաժամկետ հեռանկարում` միջուկային զենքի պոտենցիալ ստեղծում:

Հոդվածում պնդում է այն միտքը, որ Թուրքիայի առաջին նպատակը «Աքքույու» ատոմակայանի կառուցումն է, իսկ երկարաժամկետ հեռանկարում, այսպես թե այնպես, միջուկային զենքի զարգացման ներուժը:

Ըստ հեղինակի, սա լուրջ վտանգ է ներկայացնում Հունաստանի և Հարավային Կիպրոսի հունական վարչակազմի համար, և հունական, և հույն-կիպրոսական իշխանությունները այժմ պետք է լուրջ վերաբերվեն այս հարցին:

Zham.am