Ադրբեջանցիները Շուռնուխ գյուղից երեխա են գողացել և բռնաբարել․ Ղուկասյան. Տեսանյութ
«Ազատ հայրենիք» կուսակցության ղեկավար Անդրեաս Ղուկասյանը «Նոյան Տապան» հեռուստաընկերության եթերում հայտարարել է, որ սահմանին լինում են միջադեպեր, որոնց մասին իշխանությունները տեղեկատվություն չեն տրամադրում, որպեսզի հնարավոր լինի խոսել ադրբեջանցիների հետ խաղաղ համակեցության մասին, որը, ըստ քաղաքագետի, խաղաղություն է գայլերի և ոչխարների միջև:
«Պատերազմից հետո բավականին տեղեկություններ կան կուտակված հանցագործությունների մասին, որոնք որ կատարվել են և կատարվում են առ այսօր։ Քանի դեռ Ալիևն է իշխանության Ադրբեջանում՝ իրենց մոտ որևէ մեկը չի պատժվելու հայի գլուխ կտրելու համար, հայ կանանց բռնաբարելու համար։ Պատերազմից հետո այս բոլոր հանցագործությունները կատարվում են։ Ամեն վեցերորդ գերուն խոշտանգել և սպանել են։ 200 գերի էր հայտնվել ադրբեջանցիների ձեռքում, որոնցից 38-ին սպանել են ամենդաժան ձևով»,-ասել է Ղուկասյանը։
Քաղաքական գործիչը նաև հայտարարել է, որ պատերազմից հետո ադրբեջանցիները Շուռնուխ գյուղից երեխա են տարել և բռնաբարել․ «Ինչպե՞ս կարելի է խոսել խաղաղությունից, եթե գալիս են Շուռնուխ, գյուղից երեխա են տանում, բռնաբարում են և հետ են բերում»,-ասել է Ղուկասյանը՝ ավելացնելով, որ այս մասին իշխանությունները գիտեն, բայց թաքցնում են։
Տեսանյութն՝ այստեղ:
Հետևեք մեզ Facebook-ում