The Hill. Բայդենը թույլատրել է ԱՄՆ-ի կողմից ուղիղ ռազմական օգնության տրամադրումն Ադրբեջանին

ԱՄՆ նախագահ Ջո Բայդենը Կոնգրեսին տեղեկացրել է, որ իր վարչակազմը երկարացնում է «Ազատության աջակցության ակտի» 907-րդ ուղղման կասեցումը, որի արդյունքում թույլատրվում է ԱՄՆ-ի կողմից ուղիղ ռազմական օգնությունն Ադրբեջանին, գրում է The Hill-ը։

Նշվում է, որ ԱՄՆ պետքարտուղար Էնթոնի Բլինկենն ապրիլի 26-ին Կոնգրեսին ուղարկված ծանուցման մեջ հավաստիացրել է, որ Ադրբեջանին նման օգնությունը «չի խոչընդոտի Հայաստանի և Ադրբեջանի միջև խաղաղ կարգավորման շուրջ բանակցությունների շարունակական ջանքերին կամ չի օգտագործվի Հայաստանի դեմ հարձակողական նպատակներով»։

Այս որոշումը հայ համայնքի կողմից դատապարտվել է որպես դավաճանություն՝ անցյալ ամիս Բայդենի պատմական որոշումից հետո:

«Նախագահ Բայդենի ցանկացած գործողություն, որը կանաչ լույս է վառում Ադրբեջանի նախագահ Իլհամ Ալիևի ռեժիմի համար, հակասում է իր հստակ դիրքորոշմանը»,- ասել է Ամերիկայի Հայ դատի հանձնախմբի գործադիր տնօրեն Արամ Համբարյանը:

Հիշեցնենք, «Ազատության աջակցության ակտի» 907-րդ ուղղումն ԱՄՆ Կոնգրեսն ընդունել է 1992 թվականին Ադրբեջանի կողմից Հայաստանի շրջափակման պատճառով և նախատեսում է Ադրբեջանին միայն մարդասիրական օգնության տրամադրում:

Zham.am