Ադրբեջանը սկսել է Խուդաֆերին-Որոտան-Բերձոր ավտոճանապարհի կառուցումը

Ադրբեջանի նախագահ Իլհամ Ալիեւի հանձնարարությամբ երկրի ավտոմոբիլային ճանապարհների պետական գործակալությունը լայնամասշտաբ աշխատանքներ է իրականացնում Լեռնային Ղարաբաղի՝ ադրբեջանական ագրեսիայի արդյունքում Ադրբեջանի վերահսկողության տակ անցած տարածքներում ենթակառուցվածների կառուցման եւ վերականգնման ուղղությամբ:

Իրականացվող նախագծերի թվում են Խուդաֆերին-Կուբաթլու-Լաչին (Խուդաֆերին-Որոտան-Բերձոր) եւ Խանլիգ-Կուբաթլու (Խանլիգ-Որոտան) ավտոճանապարհները:

Խուդաֆերին-Կուբաթլու-Լաչին ավտոճանապարհի երկարությունը, որը սկսվում է Խուդաֆերին ջրամբարի մոտ գտնվող Հաջիգաբուլ-Մինջիվան-Զանգեզուրի միջանցք անվանումը ստացած մայրուղու հատվածից, կազմում է 66 կմ, հայտնում են ադրբեջանական ԶԼՄ-ները:

Նախատեսվում է նաեւ 17 կմ երկարությամբ նոր ճանապարհ կառուցել  Խանլիգ բնակավայրից մինչեւ Կուբաթլու (Որոտան) քաղաք:

Աղբյուր՝ NEWS.am