«Ոչինչ չանելու դեպքում այսպիսի ողբերգությունները ոչ միայն կշարունակվեն, այլև ադրբեջանական ագրեսիայի լայն ճանապարհ կբացեն». Տիգրան Աբրահամյան
Դիտել նաև
Հող տալը հակասահմանադրական է, չկա պայմանագիր, չկա խաղաղության նշույլ․ Գրիգորի Խաչատուրով․ MediaHub
Հարատև խաղաղություն հնարավոր չէ, երբ ԼՂ ժողովուրդը բռնի տեղահանված է իր հայրենիքից. Լևոն Քոչարյանը՝ Ժնեւում (տեսանյութ)
«Մենք չենք գնում ոչ մի կողմ, մեզ տանում են, որովհետև ոչ թե սուբյեկտ ենք, այլ օբյեկտ». «Փաստ»
Ադրբեջանը խաղաղություն չի ուզում, հակառակը պնդողները տգետ են կամ դավաճան. Վարուժան Գեղամյան
Արյունոտ «խաղաղություն»
«Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան իր էջում գրում է. «Եթե Ադրբեջանը իր հայտարարած վիրավոր ադրբեջանցու դիմաց 4 հայ զինծառայողի կյանք է խլում և մարսում է, ապա հաջորդիվ էլ նոր պատրվակ է գտնելու և ոչ միայն նոր զոհեր պատճառելու, այլ առաջնագծի որևէ ուղղությամբ առաջխաղացում ապահովելու:
Հիշում ե՞ք, թե ինչ էր ասում Ալիևը Ջերմուկի և մյուս բնակավայրերի մասով: Ասում էր` ՀՀ տարածք ենք ներխուժել, որ ավելի հստակ հասկանանք, թե հայերը ռևանշի ե՞ն դիմում, թե՞ ոչ:
Այս տրամաբանության և ՀՀ իշխանության լուռ կամ քողարկված համաձայնությամբ, ադրբեջանցիները հետո էլ կհարվածեն ու կամրանան այն հատվածներում, որտեղ իրենց տրամաբանությամբ ճանապարհ կամ միջանց պետք է անցնի:
Կասեն` մեր խաղաղ բնակիչների անվտանգ անցումն ենք ապահովում:
Ի դեպ, ադրբեջանական այս արյունալի հարձակումը վերջիններիս համար նաև թեստի նշանակություն ուներ` հասկանալու, թե այս փուլում, երբ ՀՀ իշխանությունը մեծ-մեծ խոսելու չեմպիոնական մրցավազքի է հելել, ինչպե՞ս կվարվի:
Սրանք, իհարկե, մեծ-մեծ խոսում են միայն երկրի ներսում` ուժայինների հետևում թաքնվելով և մարդկանց նստացնելով:
Ստեղծված իրադրությունից է նաև կախված, թե Ադրբեջանն իր սցենարային զարգացման համար հետագայում ինչ մարտավարություն կընտրի:
ՀԳ. Երեկ նկատեցի, որ անուղղակի ձևով, որոշները գրում էին, որ եթե ՀՀ-ն պատասխանի ադրբեջանցիներին, ապա կարող է սադրանքի ծավալը ընդլայնվել` ակնարկելով, որ ոչինչ չպետք է անել:
Միգուցե ընդլայնվեր, կրակն ինտենսիվանար, բայց ոչինչ չանելու դեպքում այսպիսի ողբերգությունները ոչ միայն կշարունակվեն, այլ ադրբեջանական ագրեսիայի լայն ճանապարհ կբացեն»:
Հետևեք մեզ Facebook-ում