Ալիևը կատարեց Փաշինյանի «Հավաստի աղբյուրի» երրորդ հոդվածի դերը. Տեսանյութ
![Ալիևը կատարեց Փաշինյանի «Հավաստի աղբյուրի» երրորդ հոդվածի դերը. Տեսանյութ](/timthumb.php?src=/disc/15-10-22/c6f0b9522d30fba94ab720d86002a62f.jpg&w=450)
Ինչպես հայտնի է, Նիկոլ Փաշինյանն իր թերթում «Հավաստի աղբյուրի» հետևում թաքնված երկու նյութ հրապարակեց, այն մասին թե ինչ են ուզում իրենից Ադրբեջանն ու Ռուսաստանը: Ընդ որում ռուսական մասում Փաշինյանն իր բնավորության համաձայն ստեց ռուսական պահանջների որոշ դրվագների մասին: Բայց չհրապարակեց, թե ինչ է ուզում Արևմուտքը: Եվ ահա, իր ՝ Փաշինյանի տեղը այդ մասին Աստանայում հայտարարեց Ալիևը: Նա Բրյուսելում նշեց, որ Ղարաբաղի հայերի հարցը, դա Ադրբեջանի ներքին խնդիրն է և ոչ ոք նրան չընդիմացավ: Եվրոպացիները ռուսներից հրաժարվելով գազ գնել, ստիպված այլ տեղերից են փորձում գազ հայթայթել: իսկ Ադրբեջանը համաձայնվեց գազի մատակարարումը ավելացնել երկու անգամ: Արդյունքում եվրոպացիների համար Ադրբեջանին հակադրվելը անիմաստ դարձավ: Չէ որ գազն ավելի թանկ է իրենց համար, քան Ղարաբաղի հայերի ճակատագիրը: Փաստացի Ալիևը բացահայտեց Արևմուտքի իրական դիրքորոշումը Արցախի մասով, որը փորձում էր թաքցնել Փաշինյանը: Իսկ ինչու՞ էր նա ուզում թաքցնել այդ փաստը, շատ ավելի հետաքրքիր խնդիր է:
Նշենք միայն, որ Փաշինյանը մտովի արդեն իր որոշումը կայացրել է, քցել ռուսներին: Պարզապես նա վախենում է դա խոստովանի, քանզի դրանից հետո շատ լավ է հասկանում, թե ինչ է կատարվելու Հայաստանում: Հասկանալի է, որ իր այդ ավանտյուրիստական, հակապետական, հակահայկական քայլից հետո հայ-թուրքական սահմանը դառնալու է, մեղմ ասաց ոչ անվտանգ:
Փաշինյանի քայլերի տրամաբանությունը հասկանալի է: Նա իր փախուստն ու փրկությունը տեսնում է Արևմուտքում: Հասկանալի չէ, թե ինչու են լռում այսպես կոչված ընդդիմության ներկայացուցիչները: Ընտրությունների ժամանակ, նրանց քանակը այնքան է մեծանում, որ նույնիսկ անհարմար է ասել: Մինդեռ երկրի այսպիսի ճակատագրական պահին, նրանք լռում են:
Սա է իրականությունը:
Դավիթ Մկրտչյան