Ինչու՞ է Փաշինյանի փշրանքներից օգտվող այս «Գիքոր Ալկոն» հայտվնել խուճապի մեջ. Տեսանյութ

Երեկ Պետրոս Ղազարյանի հաղորդման հյուրը «Vedi Alco»-ի սեփականատեր Մանվել Ղազարյանն էր, ում լսելով կարող ես հասկանալ, թե ինչպիսի մթնոլորտ է տիրում այսօր իշխանության ներսում: Մանվել Ղազարյանը «պառկած էր» բոլոր նախկին իշխանությունների տակ, և միայն 2008 թ.-ին նա փորձեց ինչ-որ բան անել, բայց հետո նրան հասկացրեցին, որ «իր տակ շատ կեղտ կա», նրան դրեցին իր տեղը:

2018-ի հեղափոխությունից հետո Մանվելի ձայնը նույնպես չէր լսվում: Բայց ահա պատերազմից հետո Ղազարյանն ակտիվացավ: Նրա երեկվա հարցազրույցը կարելի է սենսացիոն համարել, քանի որ նրա կարծիքով «պատերազմում պարտվեց ոչ թե Նիկոլ Փաշինյանը, այլ հայ ժողովուրդը»: Լուրջ դեմքով նա զարմանում էր, թե ինչու՞ է Ռուսաստանը Հայաստանին օգնել 90-ականներին, բայց ոչ 2020-ին:

Հատուկ նրանց համար, ովքեր «Vedi Alco» գինիներ են խմում, հիշեցնենք, որ 90-ականներին հայ-ռուսական հարաբերությունները փոխկապակցված էին Տեր-Պետրոսյան - Ելցին հատուկ կապով, և բնական էր, որ այդ հարաբերությունները չէին կարող խզվել: Միևնույն ժամանակ Պուտինի ընկերոջը դատող Նիկոլ Փաշինյանի հարաբերությունները Մոսկվայի հետ նույն որակը չէին կարող ունենալ: Ներողություն եմ խնդրում, իհարկե, խոսքերիս համար, բայց այսօր դա հասկանում է նույնիսկ վերջին դեբիլը: Եվ երբ Մանվել Ղազարյանը զարմանում է նման հարցեր տալով, նա ավելի շուտ ինքն իրեն է բնութագրում:

Բացի այդ անցած 30 տարիների ընթացքում բանակցային գործընթացին ոչ ոք այնպիսի հարվածներ չի հասցրել ինչպես դա արել է Նիկոլ Փաշինյանը: Մանվել Ղազարյանը սա չգիտի՞, թե «Vedi Alco» գինին ազդում է մարդու վրա, ու նա ոչ ադեկվատ մտքեր է արտահայտում:

Այսօր նույնիսկ Փաշինյանի թիմի անդամները չեն համարձակվում հայտարարել, որ պարտվել է ոչ թե Նիկոլը, այլ հայ ժողովուրդը: Այ «Գիքոր Ալկո», պնակալեզությունը նույնպես պետք է սահմաններ ունենա: Ի վերջո ամոթ է: Սեփական դախլի շահերի պատճառով մարդը չի կարող նման մտքեր արտահայտել Հանրային հեռուստատեսությունում: Ի վերջո որտե՞ղ է երաշխիքը, որ, եթե մարդը նման մտքեր ունի, ապա նա ի վիճակի է որակյալ արտադրանք տալ:

Մենք պետք է մտածենք այս մասին, քանի որ այս Գիքորի մտքերը ցույց են տալիս, թե ինչպիսի մթնոլորտ է տիրում այսօր իշխանությունում: Մանվել Ղազարյանը, ով իբր մասնակցել է ղարաբաղյան պատերազմին, այսօր հավասարվել է Ալիևի «խաղաղասիրությունը» գովերգող Մարիա Կարապետյանին և Հովհաննես Ազոյանին:

Այսօր Մանվելի գործընկերը Անուշ Բեղլոյանն է, ով Շուշին անվանում է «Շուշա»: Եվ «ժողովուրդը» Մանվելի կարծիքով այն ժեխն է, որը մարտի 1-ին Հանրապետության հրապարակում հավաքվել էր վարչական ռեսուրսով , և նրանցից մեկը այնտեղ ասում էր, որ «Շուշին միշտ ադրբեջանական է եղել»:

Իհարկե, Մանվելն իրավունք ունի լինել Ալիևի կողմնակից, նրան համարել «խաղաղասեր», այնուամենայնիվ, հաշվի առնելով պատերազմի արդյունքները և պատերազմում մեր կորուստները, կարող ենք նշել, որ նա նաև անձամբ ստանձնեց պատասխանատվությունը մեր 5 հազար զոհերի համար, իսկ իշխանափոխությունից հետո նա նույնպես ենթարկվելու է պատասխանատվության: Այդ պատճառով նա խուճապի մեջ է: Եվ իր «Vedi Alco» -ն փրկելու համար նա նման մտքեր է հայտնում:

Սա է իրականությունը:

Դավիթ Մկրտչյան