Սեբաստիան Քուրցը առաջարկել է դադարեցնել Թուրքիայի եվրաինտեգրման բանակցությունները

Ապրիլի 28-ին Եվրամիության (ԵՄ) արտգործնախարարները ոչ պաշտոնական հանդիպում կունենան ԵՄ նախագահող երկիր Մալթայի մայրաքաղաք Վալետայում: Այս մասին տեղեկացնում է թուրքական «Hürriyet» թերթի կայքը:
Հանդիպման օրակարգում կլինի ապրիլի 16-ին Թուրքիայում կայացած սահմանադրական փոփոխությունների արդյունքների հնարավոր ազդեցությունը այս երկրի եվրաինտեգրման գորընթացի վրա: Քննարկման կդրվեն նաև 2016թ. հուլիսի 15-ին տեղի ունեցած հեղաշրջման փորձից հետո Թուրքիայում հայտարարված արտակարգ դրության սսահմաններում կառավարության կողմից ձեռնարկված միջոցառումներն ու սահմանափակումները: ԵՄ ԱԳ նախարարների նիստին կմասնակցի նաև Թուրքիայի արտգործնախարար Մևլութ Չավուշօղլուն:
Հանդիպումից առաջ Ավստրիայի ԱԳ նախարար Սեբաստիան Քուրցը տեսակետ է հայտնել, որ անհրաժեշտ է դադարեցնել Թուրքիայի հետ Եմ անդամակցության բանակցությունները՝ դրա փոխարեն կնքելով «հարևանության պայմանագիր»: Քուրցը կարծիք է հայտնել, որ Թուրքիայի հետ հարաբերությունները պետք է շարունակել, սակայն ոչ Եվրամիության կազմում ընդգրկելու ճանապարհով: Միևնույն ժամանակ, ըստ ավստրիացի նախարարի, անհրաժեշտ է որոշակի սկզբունքներ սահմանել այդ երկրի հետ համագործակցության համար:

Աղբյուր` Ermenihaber.am