Ինչ են ցույց տալիս սոցհարցումները Հայաստանում

ԱՄՆ Միջազգային հանրապետական ինստիտուտը (International Republican Institute – IRI) սոցհարցում է իրականացրել Հայաստանում։ Սոցհարցումն անցկացրել է սույս թվականի փետրվարի 8-16-ը 1910 քաղաքացիների շրջանում: Եթե հավատանք հարցումների արդյունքերին, ապա կստացվի, որ մարդկանց 45%-ը կարծում է, որ երկիրը գնում է սխալ ուղղությամբ, սակայն, մյուս կողմից, նույն հարցումների արդյունքում մոտավորապես 42%-ը պատրաստ չէ քվեարկել ուրևէ ուժի օգտին: Ավելին, Երևանում այդ ցուցանիշը կազմում է 50%: Ուշադրություն դարձնենք այն հանգամանքի վրա, որ հարցվածների 28%-ն իրենց առաջնային խնդիրն են համարում տնտեսական վիճակն ու գործազրկությունը: Եվ ընդամենը 9%-ին է հետաքրքիրում Արցախի հարցը: Իսկ ազգային և սահմանային խնդիրները հետաքրքրում է մարդկանց ընդամենը 5%-ին, Հայաստանի ազգային անվտանգության հարցերը` 3%-ին:

Այսպիսով, եթե եզրակացնենք հարցման արդյուքները, ապա կարող ենք նշել, որ հասարակության ճնշող մեծամասնությանը հետաքրքրում են սոցիալ և տնտեսական խնդիրները: Ավելին, մարդկանց ուղիղ կեսը համարում է, որ Հայաստանը զարգանում է սխալ ուղղությամբ:

Բայց և միաժամանակ, մարդիկ չեն տեսնում Փաշինյանին իրական այլընտրանք, քանզի փողոցում կանգնած հիմնական ընդդիմադիր վերնախավը հանդես է գալիս բացառապես այնպիսի հարցազդրումներով ու մեսիջներով, որոնք հանրության հիմնական մասին չի հետաքրքրում:

Այսինքն, Հայաստանում առաջացել է բարոյահոգեբանական լուրջ ճգնաժամ, քանզի, մի կողմից, հանրության հիմնական մասը չի վստահում այսօրվա իշխանությանը, իսկ իշխանության այլընտրանք համարվող ընդդիմադիր վերնախավն անհաղորդ է հանրության հիմնական պահանջներին:

Ահա այստեղից է առաջացել այն անհաղթահարելի քաղաքական ճգնաժամը, որի լուծումը չի նշվարվում շատ հասկանալի պատճառներով:

Սա է իրականությունը:

Արտակ Հակոբյան: