Ադրբեջանն ու Թուրքիան Լեռնային Ղարաբաղի` Բաքվի վերահսկողության տակ անցած տարածքների վերաբերյալ նոր հուշագիր են կնքել

Ստամբուլի տեխնոպարկը և Ադրբեջանի նորարարությունների հարցերով գործակալությունը համագործակցության հուշագիր են ստորագրել բարձր տեխնոլոգիաների ոլորտում: Այս մասին ասվում է Ստամբուլի տեխնոպարկի հաղորդագրության մեջ, գրում  է «Անադոլու» գործակալությունը:

Փաստաթուղթը նախատեսում է ապագայում կողմերի համատեղ գործունեության իրականացում և բարձր տեխնոլոգիական պարկերի համատեղ ստեղծում:

Մասնավորապես, խոսքը Լեռնային Ղարաբաղի` Բաքվի վերահսկողության տակ անցած տարածքները բարձր տեխնոլոգիաների և նորարարությունների կենտրոնի վերածման, փորձի և գիտելիքների փոխանակման, երիտասարդ մասնագետների վերապատրաստման, ինչպես նաև ծրագրերի կազմակերպման մասին է`տարածաշրջանում տեխնոլոգիական գիտելիքների մակարդակը բարձրացնելու համար:

Ստամբուլի տեխնոպարկի գլխավոր տնօրեն Բիլալ Թոփչուն, որի մեկնաբանությունը բերված է հաղորդագրության մեջ, գոհունակություն է հայտնել այն փաստի առնչությամբ, որ տեխնոպարկը կկարողանա աջակցել Ադրբեջանի նորարարական գործակալությանը Լեռնային Ղարաբաղի «նոր պատմությունը գրելու» հարցում:

Աղբյուր՝ Tert.am