«Մարտի 1»-ը պատվիրված դատավարություն է, որի շահառուներից մեկը Թուրքիան է և որի միջոցով խնդիր է դրվել գերության մեջ պահել ՀՀ անվտանգությունը. Անդրանիկ Թևանյան

Թուրքիան իր 5-րդ շարասյան միջոցով Հայաստանում իրականացրեց իշխանափոխություն, դարձավ իշխանության փայատեր, իսկ հետագայում ամբողջական իշխանության միջոցով կապիտուլյացիայի ենթարկեց Արցախը: Երեկ գերագույն ստախոսը հայտարարեց, թե իբր «Մարտի 1»-ի հանցագործության ֆոնը բացահայտված է: Իրավագիտության մեջ, փաստորեն, մի նոր տերմին հայտնվեց՝ «հանցագործության ֆոն»: Այս մասին դատարանի դիմաց, որտեղ ընթանում էր Ռոբերտ Քոչարյանի և մյուսների դատական նիստը, հայտարարեց «Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը:

«2018 թ-ին հայտարարվեց, որ «Մարտի 1»-ի գործը ամբողջությամբ բացահայտված է, հետո գերագույն գլխավոր ստախոսը հայատարեց, որ պարկուճների խնդիր կա, դրա համար չեն կարողանում ամբողջությամբ բացահայտել, իսկ երեկ «Մարտի 1»-ի՝ իրենց համար տոն դաձած միջոցառման ժամանակ հայտարարեց, որ ֆոնն է բացահայտված: Այո, այդ ֆոնը բացահայտված է, և դա ունի հստակ աշխարհաքաղաքական ֆոն: Աշխարհաքաղաքական շահառուները պատվիրել են քարոզել ղարաբաղցի-հայաստանցի հակադրութուն, հայտարարել, որ Արցախը խոչընդոտում է ՀՀ քաղաքացիների բարեկեցիկ կյանքին: Այս ընթացքում սկսեցին ինտենսիվվարկաբեկել Արցախյան հաղթանակը ապահոված ռազմաքաղաքական գործիչներին»,- ասաց Թևանյանը և հավելեց, որ աշխարհաքաղաքական կենտրոնները, կալանքի սանկցիա տալով Յուրի Խաչատուրովին, Ռոբերտ Քոչարյանին, Սեյրան Օհանյանին և մյուսներին, խնդիր են ունեցել թուլացնել ազգային շրջանակներին, ովքեր դեմ էին կանգնելու Արցախի կապիտուլյացիային:

Քաղաքագետը նկատեց, որ սա հայ-թուրքական պատերազմի շարունակությունն է, և Բաղրամյան պողոտայում իրենք պաշտանում են ՀՀ շահը, գոյությունը, իսկ մյուս կողմում պաշտպանում են թուրքական շահը: Քաղաքագետը պատահական չհամարեց, որ Թուրքիան դատապարտել է զինվորականության հայտարարությունը: «Երեկ Հանրապետության Հրապարակում Էրդողանի կազմակերպած հանրահավաքը 2 նպատակ էր հետապնդում. նախ` թույլ չտալ, որ ուժային մյուս կառույցները անցեն հայկական բանակի կողմը, երկրորդ՝ աշխարհաքաղաքական մյուս կենտրոններին ստիպել պահանջել, որ նրանք բացահայտաջակցեն Նիկոլ Փաշինյանին»:

Թևանյանը «Մարտի 1»-ի դատավարությունը համարեց պատվիրված դատավարություն, որի միջոցով խնդիր է դրվել գերության մեջ պահել ՀՀ անվտանգությունը:

Աղբյուր՝ Tert.am