Երկու միտինգ, սակայն տարբեր բովանդակություն ու ձևաչափ

Միջազգային հանրությունը երեկ կարող էր ականատես լինել երկու զանգվածային միջոցառումների. մեկը Նիկոլ Փաինյանինն էր, մյուսը` Նիկոլ Փաշինյանի հակառակորդներինը: Այս երկու միտինգների նմանությունն այն է, որ երկուսում էլ արտաքուստ մասնակցում էին հայեր: Սակայն, ցավոք, այս երկու միտինգների նմանությունը դրանով ավարտվում է, քանզի սույն միտինգների ձևն ու բնույթն էապես տարբերվում էին իրարից:

Սկսենք ձևից: Ընդդիմության միտինգում հանդես էին գալիս տարբեր հայացքների մարդիկ, որոնց ելույթները բովանդակային իմաստ ունեին: Ընդդիմության միտինգը մեկ մարդու թատրոն չէր:

Փաշինյանի միտինգի ամբողջ ձևն ու կառուցվածքը հիմնված էր մեկ մարդու ելույթի վրա: Պատկերացնու՞մ եք, դեմոկրատիայի, մարդու իրավունքերի, օլիգարխիայի դեմ պայքարի մասին խոսող թիմը, պարզվում է, բացի Փաշինյանից այլ խոսափող չի կարող ունենալ: Նա նույնիսկ դրժեց միտինգից առաջ տված իր խոսոտւմը, որ այս անգամ գոնե լիելու են նաև այլ գործիչների ելույթներ, ինչը շարժեց մարդկանց հետաքրքրությունն ու զարմանքը, քանզի իր թիմակիցներից որևէ բովանդակային միտք կամ նախադասություն չէր լսվել:

Սակայն պարզվեց, որ նույնիսկ այս անգամ Փաշինյանը դրժեց իր իսկ խոսոտւմը, քանզի երեկվա հանրահավաքը նույնպես իրենից մեկ մարդու թատրոն էր ներկայացնում: Այստեղ է, որ մի հռետորական հարցադրում պետք է տալ. բա ու՞ր մնացին ձեր դեմոկրատական արժեքները, տոլերանտությունը և այլն, թե՞ դուք մեկ մարդու համար իսկապես կատարում եք ուսապարկերի դեր և այն կոչում եք «հայկական դեմոկրատիայի» տարբերակ: Թե՞ օլիգարխիայի դեմ պայքարը որոշել եք Գռզոյի միջոցով իրականացնել, ով, ի դեպ, հանրահավաքի ժամանակ կանգնած էր Փաշինյանի կողքը:

Այս ամենը չէր վրիպել նաև արևմտյան լրատվամիջոցների ուշադրությունից, և շատերն իրենց համար այդ բացահայտումն արեցին, հասկանալով, որ Փաշինյանն այս 2,5-3 տարվա ընթացքում խաբել է նաև արևմտյան հասարակությանը, քազնի չի կարող արևմտյան արժեքներով տոգորված թիմն իրենից ներկայանալ անլեզու ուսապարկերի տեսքով: Եվ նրանց միակ դերակատարությունը պետք է լինի Փաշինյանի համար Հրապարակում ընտրազանգված հավաքելը: Եվ նրա բոլոր այն խոսքերը, որ ինքը պայքարում է նախկին քրեաօլիգարխիկ ռեժիմի դեմ, արդեն համոզիչ չեն նույնիսկ արևմտյան լսարանի համար, ինչը ևս մեկ անգամ ապացուցվեց իր այս վերջին հանրահավաքի ժամանակ:

Արտակ Հակոբյան