«Դուք սրանց САМОДУР լինելու աստիճանը պատկերացրեք». Արտակ Զաքարյան

26 Փետրվար, 2021 16:01

Դիտել նաև

«Նոր քաղաքական կտակարան՝ ըստ Նիկոլի». Արտակ Զաքարյան «Եթե համաձայնեցված 13 կետերն իրոք լավն են, ինչո՞ւ չեն հրապարակում»․ Արտակ Զաքարյան «Ինչո՞ւ է Ալիևը պահանջում լուծարել ԵԱՀԿ Մինսկի խումբը»․ Զաքարյան «Թուրքիայի հետ սիրախաղեր անելու` Նիկոլի գլխավոր պատճառն Անկարայի այս ծրագիրն է». Արտակ Զաքարյան Երևանից նույնիսկ տասնյակ կմ հեռու բնակարանի 1 քմ-ն 320-500 հազար դրամ է․ ոչ թե՝ 200 հազար. Արտակ Բեգլարյան

Դուք սրանց САМОДУР լինելու աստիճանը պատկերացրեք.

2018թ. մայիսի 24-ին ազատում է ՀՀ ԶՈւ ԳՇ պետ, գ-լ/գ-տ Մովսես Հակոբյանին՝ պատճառաբանելով, որ նա նախկին է։
2019թ. հունիսի 8-ին ազատում է ՀՀ ԶՈւ ԳՇ պետ, գ-լ/լ-տ Արտակ Դավթյանին՝ տղայի հարսանեկան արարողության պատճառաբանությամբ։
2021թ. փետրվարի 25-ին ՀՀ ԶՈւ ԳՇ պետ, գ-լ/գ-տ Օնիկ Գասպարյանին ազատման առաջարկ է ներկայացնում՝ ինչ է թե մարդը բարձրաձայն մտահոգություն է հայտնել և բացահայտ ճշմարտություն ասել։

Սրանց թվում է, թե Զինված Ուժերն էլ է թերթի խմբագրության նման մի բան է։ Ում, երբ, ինչ պատճառով կամ անպատճառ ցանկանան, ազատեն։ Եթե նկատեցիք՝ մոտ երեք տարում ԳՇ պետի երկու փոփոխություն, մեկ փոփոխության փորձ ու ոչ մի հիմնավոր պատճառ։ Ոչ մի պատճառ չունի, կապված բանակի, անվտանգության, մարտունակության, զորքերի և այլ հարցերի հետ։ Պատճառները զուտ հիվանդագին, մանրախնդիր, էժանագին ու էգոիստ վարքաբանության մեջ է։

Իր ստեղծման օրվանից մինչ 2018թ.-ը, 26 տարիների ընթացքում, բանակում փոխվել է չորս ԳՇ պետ, սրանց՝ 2 տարի 8 ամսվա ընթացքում՝ երեք ԳՇ պետ։ Նորից պետք է կրկնեմ հայտնի դարձած հարցադրումը. «ԳՇ պետը ձե՛զ համար խաղալիք ա՞, արա՛»

Հիմա կա՞ մեկն, ով կարող է ինձ ապացուցել, որ բանակի նկատմամբ այսպիսի վերաբերմունքի հեղինակը՝ առնվազն հիվանդ САМОДУР չէ։

Արտակ Զաքարյանի ֆեյսբուքյան էջից