Թուրքիայի` երեկվա աջակցությունը Փաշինյանին, վերջնականապես ամեն ինչ բացահայտեց

Փետրվարի 25-ի իրադարձությունները կարելի է պատմական համարել այն իմաստով, որ բանակի գլխավոր շտաբի հայտարարությունը ստիպված բացահայտեց Նիկոլ Փաշինյանի արտաքին կուռատորներին: Նույն օրվա մեջ Թուրքիան երկու անգամ պաշտոնապես աջակցեց Փաշինյանին, դատապարտելով Հայասատնում իբր ռազմական հեղաշրջման փորձը: Առաջի հայտարարությամբ հանդես եկավ Բուդապեշտում Թուրքիայի արտգործնախարար Մևլյութ Չավուշօղլուն, իսկ երկրորդ հայտարարությունն արեց Էրդողանի խոսնակ Իբրահին Քալինը:

Թուրքիայի ակտիվ արձագանքը հասկանալի էր: Նրանք հասկացան, որ կորցնում են իրենց կարևոր գործընկերոջը Հայաստանում, և փորձում են ակտիվ դերակատարման միջոցով միջազգային հարթակներում թույլ չտալ, որ Հայաստանում իշխանափոխություն տեղի ունենա:

Ի դեպ, հետաքրքիր է, որ եթե Հայաստանում ԱՄՆ-ի դեսպանատունն իր հայտարարությամբ ավելի հավասարակշռված դիրքորոշմամբ հադես եկավ, ապա որոշ ժամանակ անց ԱՄՆ–ի Պետդեպը լայթս ձևով կրկնեց Թուրքիայի արտգործնախարարի հայտարարությունը, ինչով էլ բացահայտեց, որ Վաշինգտոնը նույնպես մտահոգված է Հայաստանում հնարավոր իշխանափոխությամբ:

Միջազգային այլ խաղացողների հայտարարությունները հավասարակշռված ու զուսպ էին, ինչը հասկանալի է: Բոլորի համար էլ պարզ է, որ վարկաբեկված Փաշինյանի ժամերը հաշված են: Ճիշտ է, վերջինիս մամլո խոսնակը փորձեց մանիպուլյատիվ գրառումներով հիմնավորել, թե իբր Մոսկվան նույնպես աջակցում է Փաշինյանին, սակայն կեղծ փուչիկը շատ արագ պայթեց, երբ պարզ դարձավ, որ Ռուսաստանի բարձրաստիճան իշխանավորները չեզոք հայտարարոթյուններով հանդես եկան Հայաստանի իրադարձությունների վերաբերյալ:

Այս ամենը ևս մեկ անգամ ապացուցեց` ում կողմից է ղեկավարվում Փաշինյանի խմբակը Հայաստանում, ինչը լրացուցիչ ազդակ պետք է լինի հանրության համար` օր առաջ ազատվել օտարածին ազդեցության գործակալական ցանցից:

Արտակ Հակոբյան