Փաշինյանը, համաձայնվելով Ալիեւի հետ, փորձում էր համոզել, որ ոչ թե իր բանակն է պարտվել պատերազմում, այլ Սարգսյանի ու Քոչարյանի բանակը

Փաշինյանի երեկվա հարցազրույցի «մեխերից» մեկն այն էր, որ նա փորձեց հասարակությանը համոզել, թե իբրև ադրբեջանական բանակը 44 օրյա պատերազմում հաղթել է ոչ թե իր բանակը, այլ Քոչարյանի ու Սարգսյանի բանակը:

Իր հարցազրույցում նա շեշտեց, որ 2018-ի իշխանափոխությունից հետո ինքը հատուկ բանակում «հեղափոխական» փոփոխություններ չի իրականացրել, իսկ Պաշտպանության նախարարի պաշտոնում նշանակել է մի մարդու, ով երկար տարիներ աշխատել է նախկին իշխանություններից թիմի հետ: Եվ բացի այդ, Նիկոլի խոսքերով 2,5 տարվա ընթացքում բացի բարելավումներից նա ոչ մի այլ բան չի իրականացրել հայկական բանակում:

Փաշինյանի հիմնական ուղերձն այն էր, որ Քոչարյանի և Սարգսյանի ստեղծած բանակն էր, որ պարտվեց վերջին պատերազմում, և ինքը Փաշինյանը մեծ մեղք չունի այս հարցում, քանի որ 2-3 տարվա ընթացքում նա չէր կարող հիմնովին վերափոխել բանակը:

Ի դեպ, սա հենց այն թեզն է, որ առաջ է քաշում նաև Ադրբեջանի նախագահ Իլհամ Ալիևը՝ նշելով, որ վերջին պատերազմում նա ջախջախեց ոչ թե Փաշինյանի, այլ Սարգսյանի և Քոչարյանների բանակը: Նույնիսկ այս հարցում Ալիևի և Փաշինյանի շահերի համընկնում են, քանի որ երկուսն էլ Սարգսյանին և Քոչարյանին տեսնում են որպես իրենց հիմնական հակառակորդներ: 

Սա պարադոքսալ իրավիճակ է, երբ Հայաստանի ղեկավարը նույն շահերն ունի Ադրբեջանի հետ, և այդ շահերը համընկնում են Հայաստանի երկու նախկին նախագահների դեմ: Սա եւս մեկ անգամ ցույց է տալիս, թե ինչպիսի ուժեր են Փաշինյանին բերել իշխանության Հայաստանում:

Ինչ վերաբերում է իրականությանը, ապա այն ոչ մի կապ չունի Ալիևի և Փաշինյանի թեզերի հետ, քանի որ գաղտնիք չէ, որ Քոչարյանն ու Սարգսյանը, իրենց դիվանագիտական ​​աշխատանքով թույլ չտվեցին, որ Թուրքիան ունենա լեգիտիմ հիմք ներգրավվելու համար հայ-ադրբեջանական հակամարտության մեջ: Իսկ այն փաստը, որ վերջին պատերազմում ադրբեջանական բանակը վերահսկում էր Թուրքիայի գլխավոր շտաբը, ոչ մեկի համար գաղտնիք չէ:

Պարզ չէ՞, որ հայկական բանակն ի վիճակի չէր դիմակայել ՆԱՏՕ-ի երկրորդ բանակին՝ անկախ նրանից, թե ով է ստեղծել հայկական բանակ Փաշինյանը, Սարգսյանը, Քոչարյանը կամ Կիրակոսյանը:

Պարզապես Քոչարյանն ու Սարգսյանը միտումնավոր կերպով չեն ոչնչացրել բանակցային գործընթացը, միտումնավոր կերպով չեն ոչնչացրել հայ-ռուսական հարաբերությունները և հիմք չեն ստեղծել, որպեսզի Թուրքիան բացահայտ ներգրավվի այս հակամարտության մեջ:

Այսօր արդեն բոլորի համար պարզ է, որ Փաշինյանը միտումնավոր կերպով ոչնչացրեց բանակցային գործընթացը, երկիրը միտումնավոր կերպով տարավ պատերազմի և միտումնավոր կերպով տարավ պարտության, որպեսզի մենք ստանանք այն պատկերը, որն ունենք այսօր:

Եվ այսքանից հետո Նիկոլի փորձը սլաքներն ուղղել նախկին նախագահների ուղղությամբ չի դիմանում ոչ մի քննադատությանը: Իսկ Հայաստանում այլևս մարդիկ չեն մնացել, ովքեր կհավատան Փաշինյանի այս «արդարացումներին», քանի որ նույնիսկ Պողոսների համար նույնպես ակնհայտ է, թե որքանով են Ալիևի և Փաշիանի շահերը համընկնում:

Սա՛ է իրականությունը:

Արտակ Հակոբյան