Փաշինյանը կտրականապես արգելեց «Իսկանդեր» կիրառել. Արամ Գաբրիելյանովը բացառիկ մանրամասներ է հայտնում Օնիկ Գասպարյանի հետ զրույցից Մոսկվայում
Արամ Գաբրիելյանովը տելեգրամյան իր ալիքում գրառում է արել, նրա ՀՀ ԶՈՒ ԳՇ պետ Օնիկ Գասպարյանի հետ Մոսկվայում տեղի ունեցած զրույցից:
«Դե որ խոսքը գնաց «Իսկանդերների» մասին, ապա կպատմեմ: Մոտ մեկ ամիս առաջ Մոսկվայում իմ ու ՀՀ ԶՈՒ ԳՇ պետ Օնիկ Գասպարյանի միջև ծանր ու երկար զրույց տեղի ունեցավ: Ամեն ինչի մասին պատմել չեմ կարող, բայց որ Նիկոլը բարձրացրեց այդ ունիկալ զենքի մասին թեման, ապա գրեթե բառացի ասեմ այն, ինչ ասեց Օնիկը, իսկ մնացածը դուք որոշեք:
«Պատերազմի երրորդ օրը ես՝ որպես գլխավոր շտաբի պետ, որոշեցի կիրառել «Իսկանդերը» երկու ռազմավարական օբյեկտների ուղղությամբ: Բաքու-Ջեյհան նավթամուղով, և ևս մեկով: Փաշինյանը կտրականապես արգելեց, չնայած ռուսները հասկացրել էին, թե ձեր գործն է ու ձեր պատերազմն է: Շուշիի անկումից երեք օր առաջ ես Փաշինյանին դիմեցի երկու «Իսկանդերներով» հակառակորդի կենդանի ուժի հսկայական կուտակումներին հարվածելու համար, հենց Շուշիի մատույցներում: Փաշինյանը կտրականապես արգելեց, ասելով, որ միջազգային հանրությունը կանիծի մեզ, եթե մենք թշնամու մի քանի հազար զինվոր սպանենք միաժամանակ: Ինձ կիրառել թողեցին մեկ անգամ՝ արդեն Շուշի քաղաքով: Ես այն կիրառեցի: Մենք օգտվեցինք դրանից ու հասցրեցինք քաղաք մի քանի տանկ մտցնել: Երկու օրից հրաման եկավ թողնել Շուշին և նահանջել»»:
Zham.am
Հետևեք մեզ Facebook-ում