«Էսօր ձեզ պահել եք լկտի․ ոստիկանապետը պարտավոր է իջնի և բացատրություն տա»․ Ի․ Սաղաթելյան. Տեսանյութ

«Հենց հիմա ոստիկանապետը պարտավոր է ներկայանա և բացատրություն տա այսօրվա ձեր ապօրինությունների համար։ Էսօր ձեզ պահել եք լկտի՝ ձեր ապօրինի գործողություններով։ Եթե ձեզ թվում է՝ Քոչարյան Անդոյի, «Շիշ բռնողի» և մյուս սրիկաների հրահանգով պետք է կրակեք ժողովրդի վրա՝ վախեցնեք, սխալվում եք»,- Ոստիկանության շենքի մոտ հայտարարեց ՀՅԴ ԳՄ ներկայացուցիչ Իշխան Սաղաթելյանը՝ տալով 15 րոպե ժամանակ։

Ոստիկանապետ Վահե Ղազարյան, տեղակալներ՝ Արամ Հովհաննիսյան, Վարդան Մովսիսյան, Արթուր Մարտիրոսյան, Արա Ֆիդանյան, Ոստիկանության զորքերի հրամանատար Հայկ Բաբայան, Ոստիկանության պետական պահպանության գլխավոր վարչության պետ Դավիթ Սարգսյան, բոլորդ հատ-հատ պատասխանատվություն եք կրելու այդ խելագարի կատարած հրահանգների համար:

Ձեզանից պահանջում ենք՝ մաս մի կազմեք. հիշե՛ք ձեր այն ընկերներին, ում պատերազմի օրերին տարան-թողեցին անտեր, անհաց՝ սարերի վրա: Հիշե՛ք ձեր Շուշիի գործընկերներին, հիշե՛ք, որ մենք այս ամեն ինչը անում ենք նաև հանուն ձեր երեխաների, մեր երեխաների:

Դուք շատ լավ գիտեք, որ այդ ապօրինի հրահանգները կատարելով՝ մեր երկիրն ավելի եք տանում խորտակման:

Ես հենց հիմա պահանջում եմ ոստիկանապետից՝ ներկայանա, իջնի և բացատրություն տա այսօրվա ձեր կատարած ապօրինությունների համար»:

Zham.am