Աբու Դաբիում եւս մեկ անգամ բացահայտվեց Նիկոլի կառավարման համակարգի իրական դեմքը

Հայաստանի իշխանություններն այսօր Աբու Դաբիում անցկացվող միջազգային ցուցահանդեսում հայկական ռազմական արդյունաբերության արտադրության նմուշների բացակայությունը բացատրում են լոգիստիկ խնդիրներով:

Նման իրադարձության ժամանակ, երբ երկրների միջեւ ռազմական արդյունաբերության արտադրանքի յուրօրինակ մրցակցություն է լինում, Հայաստանը ոչ միայն պարտվեց Ադրբեջանին, այլ զուտ տեխնիկական պատճառներով, այլ կերպ ասած` պարզ փնթիության պատճառով, տարբեր արտադրատեսակներ ներկայացնելու փոխարեն, մասնակցեց ցուցահանդեսին՝ ներկայացնելով բուկլետներ:

Այնուամենայնիվ, հարկ է նշել, որ այս հարցում նույնպես չի փոխվել իշխանությունների գործողությունների ոճը:

Ինչպես պատերազմի օրերին, Փաշինյանը կապիտուլյացիաի ենթարկեց հայկական բանակը, այնպես էլ Աբու Դաբիում Փաշինյանը խայտառակ արեց Հայաստանը: Դրանք պատահականություններ չեն, այլ մեկ շղթայի օղակներ են:: Սա օրինաչափություն է, որը ցույց է տալիս պետական ​​կառավարման խայտարակ ցածր որակը:

Նույնը տեղի ունեցավ կորոնավիրուսի դեմ պայքարի ժամանակ, երբ հիվանդության տարածման առաջին ալիքի ժամանակ Հայաստանը գրանցում էր հիվանդացության տարածման համաշխարհային հակառեկորդներ:

Նույնը կարելի է ասել բանակի նկատմամբ իրենց վարած քաղաքականության վերաբերյալ, երբ արշավ էր ծավալվում բանակի և նրա գեներալների դեմ, և երբ,ելնելով Նիկոլի անձնական PR-ից բանակում՝ իրական արդիականացումը փոխարինվեց «կլուբնիկով»:

Այս ամենը ցույց է տալիս միայն մեկ բան. Փաշինյանին հետաքրքրում էր ոչ թե իր կառավարման որակը, այլ մարդկանց մոտ սեփական PR իրականացնելը: Այս անձի էությունը միշտ էլ այսպիսին է եղել՝ լրագրող աշխատելու  ժամանակահատվածից մինչև վարչապետ դառնալը:

Հայաստանի բոլոր դժվարությունները կապված են այս անձի գործունեության առանձնահատկությունների հետ:

Նույնիսկ եթե հաշվի չառնեինք դրսից նրա վրա լուրջ ազդեցությունը, նույնիսկ եթե հավատայինք, որ նա խնդիրներ չունի արտաքին ուժերին հաշվետվություն տալու, միևնույն է, նրա աշխատանքի ոճը և կառավարման հմտությունները խայտառակ կանեին Հայաստանին:

Սա՛ է իրականությունը:

Դավիթ Մկրտչյան