«Որ Արծրունը խաբում էր բոլորիս, դա հանցագործություն չէ՞ր». Ռ. Մելիքյան
«Կարևոր չէ, թե ովքեր են ֆեյքի կառավարողները, դրանք հանցավոր արարքնե՞ր են, թե՞ ոչ»,- Երևանի ընդհանուր իրավասության դատարանի բակում, լրագրողների հետ զրույցում ասաց իրավապաշտպան Ռուբեն Մելիքյանը, մինչ Կարեն Բեքարյանի խափանման միջոցի հրապարակումը:
Նրա խոսքով՝ Գագիկ Սողոմոնյան ֆեյքի գործի քննիչները իրավունք չունեն ասելու, որ իրենք իրավաբան են։
«Օրինակ, մեղադրանքներից մեկն այն է, որ պատերազմի ժամանակ այդ ֆեյքը քննադատում էր իշխանություններին և այլընտրանքային տեղեկություններ էր տալիս: Այսինքն, որ Արծրունը խաբում էր բոլորիս, դա հանցագործություն չէր, բայց որ ինչ-որ ֆեյք տալիս էր այլընտրանքային տեղեկատվություն, որը հիմա կարելի է նայել-տեսնել, որ ճշմարտության բավական մեծ հատված ուներ, և հանրային վտանգավորություն իրենից չէր ներկայացնում, դա էսօր իշխանությունները համարում են հանցագործությո՞ւն»:
«Սա խայտառակություն է, սա նշանակում է, որ մենք գործ ունենք մարդկանց հետ, որոնք իրավունք չունեն որևէ մեկի աչքին նայել ու ասել, որ մենք իրավաբան ենք: Խոսքը վերաբերվում է այս գործով քննիչի գործառույթ իրականացնող իրավաբաններին»,- նշեց իրավապաշտպանը:
Zham.am
Հետևեք մեզ Facebook-ում