Թոմաս դե Վաալ. «Սարգսյանն ասաց, որ Աղդամը հայերի հայրենիքը չէ: Եւ նա իրավացի է» (տեսանյութ)

Հայտնի բրիտանացի վերլուծաբան, Կարնեգի Եվրոպա Հիմնադրամի ավագ հետազոտող, «Սև այգի․ Հայաստանն ու Ադրբեջանը խաղաղության և պատերազմի միջով» աշխատության հեղինակ Թոմաս դե Վաալը «Focus on Karabakh»-ի խմբագիր Էմիլ Սանամյանին  տված հարցազրույցում խոսել է ղարաբաղյան հակամարտության թեմայից:

«Ղարաբաղյան հակամարտության հարցում դժվար է հետզհետե հասնել փոփոխությունների Իդեալական կլիներ տեսնել ղարաբաղյան հակամարտության փուլային լուծումը՝ փոխադարձ զիջումների միջոցով: Օրինակ, Ղարաբաղից հարավ-արևելքում գտնվող  շրջաններից մեկի ազատումը հայկական կողմի կողմից ի փոխանակում՝ տրանսպորտային ուղիների բացման կամ ղարաբաղցիներին լայն իրավունքներ տրամադրելուն»:

«Բայց ես այնքան էլ միամիտ չեմ, որ կարծեմ, թե դա հնարավոր է հիմա: Հակամարտությունը չափից դուրս «սեքյուրիտիզացված» է դարձել, ինչպես ասում են քաղաքական գործիչները, և ցանկացած զիջում երկու կողմից դիտարկվում է որպես դավաճանություն կամ սպառնալիք ազգային անվտանգությանը:  Այդ իսկ պատճառով, երբ ես խոսում եմ փոփոխությունների մասին, ապա նկատի ունեմ ոչ մեծ քայլեր. հրադադարի պահպանման մանդատի ամրապնդում և ծանր զենքի դուրսբերում շփման գծից, ուղեկցվող զգալի քաղաքական բանակցությունների մեկնարկով առավել կառուցակարգված ձևաչափով»:

Թոմաս դե Վաալը կարծիք է հայտնել նաև այն բանի վերաբերյալ, որ Ադրբեջանը կարող է պատերազմ սկսել, եթե հարցը չլուծվի բանակցությունների միջոցով:

«Ադրբեջանի ռազմական հռետորաբանությունը պայմանավորված է այն փաստով, որ հայերի զգալի մասը գոհ է առկա ստատուս քվոից : Ես գիտեմ, որ նախագահ Սարգսյանը մի անգամ նշել է, որ «Աղդամը մեր հայրենիքը չէ» և քննադատվել է դրա համար: Բայց իրականում նա ճիշտ է ասել»:

Zham.am