Ինչու է ընդհանրապես Օնիկ Գասպարյանը ենթարկվել Փաշինյանին
«Իրավունք» թերթը գրում է «ՀՀ երրորդ նախագահ Սերժ Սարգսյանի հարցազրույցն առաջ քաշեց բազմաթիվ հարցեր, որոնք վերաբերում են անմիջապես ՀՀ ԶՈւ գլխավոր շտաբի պետ Օնիկ Գասպարյանին: Այդ հարցերից է, թե ինչո՞ւ հայկական բանակի կեսից ավելին մնացել է զորանոցներում և չի մասնակցել ռազմական գործողություններին: Հաջորդ հարցն այն է, թե ինչու է ընդհանրապես Օնիկ Գասպարյանը ենթարկվել Նիկոլին այն դեպքում, երբ Նիկոլը կարող էր դառնալ գլխավոր գերագույն հրամանատար միայն այն դեպքում, եթե Հայաստանը Ադրբեջանին հայտարարեր պատերազմ: Իսկ քանի որ նման բան տեղի չի ունեցել ռազմական գործողությունների ամբողջ պատասխանատվությունը օրենքով դրված է Օնիկ Գասպարյանի վրա: Հետևապես, նա ոչ միայն Նիկոլին պետք է ուղարկեր ռուսական հայտնի հասցեով, այլև կալանավորեր, ինչպես Նիկոլին, այնպես էլ նրա՝ ամեն տեղը քիթը խոթող կնգան՝ ռազմական գործողություններին միջամտելու համար:
Սակայն Օնիկ Գասպարյանը դա չարեց, թեև, ասում են մեկ-երկու անգամ հրաժարվեց Նիկոլի կարգադրությունները իրականացնել և շպրտեց լսափողը: Այնուամենայնիվ, հավանաբար դեր խաղաց այն, որ Օնիկ Գասպարյանը և Նիկոլը «զեմլյակներ» էին, և Նիկոլը, առաջ քաշելով Օնիկին և նշանակելով շտաբի պետ, վերջինից ստացել է երաշխիքներ, որ նա ցանկացած դեպքում անձնական նվիրվածություն կցուցաբերի կապիտուլյանտին: Բայց հիմա, ըստ օրենքի, գլխավոր կապիտուլյանտ կոչման համար Օնիկ Գասպարյանը նույնքան «արժանի» թեկնածու է, որքան Նիկոլը»,-գրում է թերթը:
Նյութն ամբողջությամբ` թերթի այսօրվա համարում:
Հետևեք մեզ Facebook-ում