Փաշինյանը ներկայացրեց ՀԴՄ կտրոնների ավելացման մասին թվեր՝ հույսով, որ «պողոսները» կներշնչվեն, որ իրենց կյանքը պատերազմից հետո կտրուկ լավացել է

«Հրապարակ» թերթը գրում է. «Կառավարության նիստերը ամեն շաբաթ գնալով էլ ավելի թեթև ու իրականությունից կտրված ընթացք են ստանում։ Արցախը կորցրած, 5 հազար զոհ տված կառավարության ղեկավարն արդեն հումորներ է անում, խոսում ապագայի ծրագրերից ու փորձում դրական ցուցանիշներ հայտնաբերել այս համազգային ողբերգության ու ճգնաժամի ֆոնին։

Երեկ նա նորից հիշել էր ՀԴՄ կտրոնների թեման, որոնք իր համար տնտեսության, փաստորեն, միակ ցուցիչն են։

«Փետրվար ամսվա առաջին 15 օրվա տվյալներով՝ Հայաստանում հսկիչ-դրամարկղային կտրոններով ու հաշվարկային փաստաթղթերով արձանագրվել է 604 հազար գործարքով ավելի, քան նախորդ տարվա փետրվարի առաջին 15 օրերին»,-ասաց Նիկոլ Փաշինյանը՝ հույսով, որ իր սիրելի «պողոսների» մոտ այս անիմաստ թվերն ու վիճակագրությունը ոգևորություն կառաջացնեն և կներշնչեն, որ իրենց կյանքը պատերազմից հետո կտրուկ լավացել է, նախկինում երբեք այսքան լավ չեն ապրել, ինչքան հիմա»։

Մանրամասները՝ թերթի այսօրվա համարում