Լուսանկար․ Զոհված զինվորի ընտանիք գնալիս Աննա Հակոբյանը 590 դոլար արժեցող շարֆ էր կապել

Հատկապես պատերազմից հետո որևէ մեկի համար գաղտնիք չէ, որ Նիկոլ Փաշինյանի, քաղաքականությամբ զբաղվող նրա ընտանիքի անդամների և թիմակիցների համար սուտը հիմնական լեզուն է, որով հարաբերվում են հանրության հետ։

Հայկական արտադրանքից օգտվելու քարոզչություն իրականացնող Աննա Հակոբյանն ու Նիկոլ Փաշինյանն այս հարցում ևս մոլորեցնում են հանրությանը։ Պարզվում է՝ հանրությանն իրենց սրտի գործարար Ալեքսանյանի արտադրած հագուստները հագնելու կոչ անողներն իրենց համար նախընտրում են թանկարժեք արտասահմանյան բրենդային հագուստներ։

Օրերս Աննա Հակոբյանն իր ֆեյսբուքյան էջում տեղեկացրել էր, որ ԱԺ փոխնախագահ Լենա Նազարյանի հետ այցելել է պատերազմում զոհված Արշակ Տոնոյանի ընտանիքին, Շիրակի մարզի Անուշավան գյուղում։

Մի կողմ թողնելով այն, որ Աննա Հակոբյանը զոհի ընտանիք էր այցելել իրեն հատուկ տոնական տրամադրությամբ, ուշադրություն դարձնենք նրա հագուկապին։

Աշխատավարձի հույսին ապրող Նիկոլ Փաշինյանի կնոջ շարֆը թանկարժեք «Louis Vuitton» բրենդի շարֆ էր։ «Louis Vuitton»-ի կայքում մենք Աննա Հակոբյանի կապած կոնկրետ շարֆի արժեքը չկարողացանք գտնել, քանի որ այն նախորդ տարվա հավաքածուից է, սակայն գտանք համարժեք մեկ այլ շարֆ, որն արժե 590 ԱՄՆ դոլար։

Հիշեցնենք, որ Նիկոլ փաշինյանը ևս վարչապետ դառնալուց հետո բրենդային հագուստներ է սկսկել սիրել։ 2019 թվականին նա այցելել էր «Մալխաս» ակումբ։ Այդ օրը նա կրել է Zegna բլուզ, որն արժե 600 դոլար, իսկ այդ պահին նրա կրած շարֆն արժեր 300 դոլար:

Politik.am