ՀՀ Երկրորդ և երրորդ նախագահները խոսեցին. առաջին նախագահը Փաշինյանի վերաբերյալ ասելիք չունի՞

Սերժ Սարգսյանի՝ երեկվա հարցազրույցի շուրջ, հետևյալ հարցադրումներ կային․ ինչու՞ խոսեց Սերժ Սարգսյանը։ Բայց դրան կարելի է հակադրել մեկ այլ հացադրում․ երեք ամիս առաջ Հայաստանը փաստացի զրկվեց Արցախի պետականությունից, մենք կորցրել ենք 5 հազար զինվոր, ստացանք 10 հազար վիրավոր, և խայտառակ պարտություն։ Ի՞նչ է, սա պատճառ չէ՞, որ այս ամենից հետո նախկին նախագահները, «Ղարաբաղ» կոմիտեի անդամները խոսեին։

Բայց արի ու տես, որ մինչև այս պահն այդ ամենի մասին խոսել են ՀՀ երկրորդ և երրորդ նախագահները, «Ղարաբաղ» կոմիտեի նախկին համակարգող Վազգեն Մանուկյանը։ Բա ու՞ր են «Ղարաբաղ» կոմիտեի մյուս նախկին անդամները։ Եվ ամենակարևորը՝ ու՞ր է «Ղարաբաղ» կոմիտեի նախկին անդամ, ՀՀ առաջին նախագահ Լևոն Տեր-Պետրոսյանի խոսքը։

Նա գո՞հ է այսօրվա իրավիճակից, որ չի խոսում, գնահատական չի տալիս, թե՞ հիմա էլ է համարում, որ պանդեմիայի ժամանակ իշխանություններին քննադատել չի կարելի։

Իսկ միգուցե Լևոն Տեր-Պտերոսյանի նախկին հոգեզավակն Արցախում իրականացրե՞լ է իր նախկին հոգևոր հոր Լևոն Տեր-Պետրոսյանի երազանքը՝ «ազատագրել է Հայաստանը Ղարաբաղից ու ղարաբաղցիներից»։ Չէ՞ որ այդպիսի երազանք ունեին նրանք 2008 թվականին, երբ Երևանի կենտրոնում կազմակերպեցին մարդասպանություն՝ հանուն ղարաբաղցիներին Հայաստանից վռնդելուն։

Տեր-Պետրոսյանի լռությունը փաստացի համաձայնության նշան է Փաշինյանի կողմից վարվող քաղաքականության վերաբերյալ։ Իսկ եթե հաշվի առնենք այն հանգամանքը, որ 5 միլիարդի առաջարկության վերաբերյալ գիտեր նաև Տեր-Պետրոսյանը, ապա հետագա բացահայտումների ժամանակ Տեր-Պետրոսյանը նույնպես անցնելու է վկայի կամ ամբաստանյալի կարգավիճակով, դա արդեն ցույց կտա ժամանակը։

Դավիթ Մկրտչյան։