Ռոբերտ Քոչարյանի վերջին մեսիջը` ակտիվ դերակատարության վերաբերյալ, խուճապ է առաջացրել Փաշինյանի շրջապատում
Գաղտնիք չէ, որ Փաշինյանի այսօրվա շրջապատում միանշանակ տեսակետ չկա, թե ինչպես շարունակել պահպանել իշխանությունը: Բանն այն է, որ իշխանության հանրային լեգիտիմությունն այսօր կտրուկ անկում է ապրել, արդյունքում ողջ պետական համակարգը հայտվնել է սպասողական վիճակում: Կարելի է ասել, որ այսօրվա պետական մեքենան չի աշխատում, սպասելով կոնկրետ որոշակի լուծումների: Սա շատ լավ հասկանում է նաև Նիկոլ Փաշինյանը, ով մտադիր է նոր արտահերթ ընտրությունների միջոցով փորձել վերարտադրվել և որոշակիություն փոխանցել կառավարման համակարգին:
Սակայն, ինչպես հայտնի է, հիմնական ընդդիմադիր շրջանակները դեմ են, որ ընտրություններն անցկացնի անձամբ Նիկոլ Փաշինյանը, արդարացիորեն հիմնավորելով, որ այդ դեպքում Փաշինյանն ընտրությունները 100 տոկոսով կեղծելու է, քանի որ կոնի վրա է դրված իր ֆիզիկական անվտանգության հարցը:
Սակայն Փաշինյանի շրջանակում կան մարդիկ, ովքեր դեմ են ընտրություններին, նույնիսկ եթե այն անցկացնի Փաշինյանը, քանզի համոզված չեն, որ այդ դեպքում նրանք կհաղթեն: Իսկ ՀՀ երկրորդ նախագահի վերջին ակտիվացումն ուղղակի խուճապի մեջ է գցել այդ շրջանակներին, քանի որ այսօր Հայաստանում քաղաքական տրենդը փոխվել է, և մարդիկ հիասթափվել են պոպուլիզմից ու պահանջ են զգում ուժեղ դեմքի, ով կկարողանա ապահովել երկրի անվտանգությունը, վերականգնել վստահելի հարաբերությունները Ռուսաստանի հետ, և կանխատեսելի տնտեսական զարգացման ծրագիր առաջարկել:
Այդ իսկ պատճառով Փաշինյանի շրջապատում տարաձայնություններն է՛լ ավելի են խորացել, քանզի չեն տեսնում որևէ տեսանելի տարբերակ` ճգնաժամից դուրս գալով պահպանել իրենց իշխանությունը:
Թե ինչպիսի նկլինի Փաշինյանի որոշումը, այսօր դժվար է կանխատեսել, քանի որ, մի կողմից պետական համակարգի չաշխատելը բերում է նոր սոցիալական ցնցումների, իսկ մյուս կողմից, ընտրությունների գնալը հղի է իշխանության կորստով:
Սա՛ է իրականությունը:
Արտակ Հակոբյան
Հետևեք մեզ Facebook-ում