ԵԽԽՎ-ում պահանջել են Ագրամունդի հրաժարականը Սիրիա ուղևորության պատճառով

Եվրոպայի խորհրդի խորհրդարանական վեհաժողովում (ԵԽԽՎ) պահանջում են այդ կառույցի նախագահ Պեդրո Ագրամունդի հրաժարականը: Ինչպես հաղորդում են միջազգային ԶԼՄ-ը, այսօր Ստրասբուրգում համապատասխան հայտարարությամբ ԵԽԽՎ նիստին հանդես է եկել Իտալիայից պատգամավոր Միկելե Նիկոլետին:

Դրանից հետո մի շարք պատգամավորներ աջակցություն հայտնեցին պատգամավորի հայտարարությանը:

«Հարկավոր է, որ դուք քաղաքական կամք ցուցաբերեք և վայր դնեք Ասամբլեիայի նախագահի լիազորությունները, որ ցուցադրեք, որ լուրջ սխալը լուրջ հետևանքներ է կրում», - ընդգծեց Նիկոլետին: 

Ագրամունդը հայտարարեց, որ նկատի է առնում դա և ճաշից հետո կհայտնի՝ կքննարկվի դա վաղվա նիստին, թե՝ ոչ:

Նա 10 րոպեյով ընդմիջեց նիստն այն բանից հետո, երբ պատգամավորները պահանջեցին պատասխանել հարցին, թե պատրաստ է նա  հանրային քննարկմանը դնել նրա այցը Սիրիա ռուսաստանցի պատգամավորների պատվիրակության հետ միասին:

Ինչպես հաղորդվում է, ԵԽԽՎ նախագահ Ագրամունդը մարտին ռուսաստանցի պատգամավորների պատվիրակության հետ այցելել է Սիրիա: Միևնույն ժամանակ ԵԽԽՎ-ում ռուսաստանցի պատգամավորների պատվիրակությունը գտնվում է պատժամիջոցների ներքո 2014 թվականի ապրիլից  Ղրիմի պատճառով:

Zham.am