Որոշ համայնքներում, հատկապես հին կառույցներում, փլուզումների դեպքեր կան. Գեղարքունիքի մարզպետ

Դեռ ավերվածությունների ամբողջ ծավալը չեմ կարող ասել, բայց որոշ համայնքներում, հատկապես հին կառույցներում, փլուզումներ կան։ Այս մասին NEWS.am-ի հետ զրույցում ասաց Գեղարքունիքի մարզպետ Գնել Սանոսյանը։

«Մի քանի ֆիքսած դեպքեր ունենք, որ հին անասնագոմեր են փլվել։ Որոշակի վնասներ կան։ Այս պահին հոսանքի վերականգնման խնդիրն է, որը րոպեներ առաջ արդեն կարգավորվեց։ Մոտ 1,5 ժամ հոսանք չկար»,- ասաց մարզպետը։

Հիշեցնենք, որ այսօր՝ փետրվարի 5-ին, Հայաստանում գրանցվել է երկրաշարժ։ Երկրաշարժի էպիկենտրոնը եղել է Գեղարքունիքում՝ 6-7 բալ ուժգնությամբ։